Capkała vinavacić hienprakurora ŭ asabistaj vyhadzie ad prodažu jaho kvatery
Valeryj Capkała adpraviŭ zajavu ŭ Hienprakuraturu — jon patrabuje zavieści kryminalnuju spravu na hienprakurora Andreja Švieda. Pryčyna zajavy — pradadzienaja z aŭkcyjonu nieruchomaść siamji Capkała «pa košcie značna nižejšym za rynkavy». Pra heta eks-kiraŭnik PVT paviedamiŭ u telehramie.
Trochpakajovuju kvateru siamji Valeryja Capkały pradali z druhoj sproby na aŭkcyjonie ŭ krasaviku. Jaje nabyli amal za 400 tysiač rubloŭ.
«Majucca važkija padstavy mierkavać, što ŭ niezakonnym prodažy kvatery pa košcie značna nižejšym za rynkavy asnoŭnym vyhadaatrymalnikam zjaviŭsia hramadzianin Švied A.I.», — piša Valeryj Capkała.
Były kiraŭnik Parka vysokich technałohij prosić pravieści słužbovaje rasśledavańnie i pryciahnuć Švieda da kryminalnaj adkaznaści.
«Kali ŭ vyniku praviedzienaha rasśledavańnia vyśvietlicca, što dadzieny hramadzianin nie mieŭ pramoj kamiercyjnaj cikavaści, jon pavinien być pryciahnuty da adkaznaści na padstavie artykuła 217 KK RB za niezakonnaje «biazvypłatnaje adčužeńnie ŭ značnym pamiery čužoj majomaści pry adsutnaści karyślivaj mety», — miarkuje Capkała.
Valeryj Capkała piša, što «advakaty Švieda A.I. mohuć u jakaści źmiakčalnych faktaraŭ spasyłacca na nieadekvatnaść dadzienaha hramadzianina, jaki ŭpieršyniu ŭ historyi čałaviectva inicyjavaŭ kryminalnyja spravy ŭ adnosinach da daŭno pamierłych ludziej». Ale palityk ličyć, što «hetyja dziejańni nie zjaŭlajucca śviedčańniem biesśviadomaści hramadzianina Švieda A.I., jak heta moža być pradstaŭlena ŭ sudzie, a tolki sproba adciahnuć uvahu pravasudździa ad złačynnych dziejańniaŭ, što ździajśniajucca im».
Raniej Vieranika Capkała zaklikała Śledčy kamitet i prakuraturu pravieści rasśledavańnie ab prodažy kvatery, jakaja naležyć nie tolki jaje mužu, ale taksama joj i niepaŭnaletnim dzieciam. Na jaje dumku, rašeńniem vystavić na tarhi nieruchomaść parušajecca ŭ tym liku Kanstytucyja.
Valeryja Capkału biełaruskija ŭłady zavočna pryhavaryli da 17 hadoŭ kałonii ŭzmocnienaha režymu.
Ciapier čytajuć
«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca16
Kamientary