Polski biznes patrabuje adkryć pamiežnyja pierachody na miažy ź Biełaruśsiu abo kampiensavać jamu straty
Polskaje abjadnańnie pradprymalnikaŭ Zjednoczony Wschód («Abjadnany Uschod») źviarnułasia da pradstaŭnikoŭ Siejma z patrabavańniem adkryć pamiežnyja pierachody (pierš za ŭsio «Babroŭniki») na miažy ź Biełaruśsiu. A kali heta nie budzie zroblena — uvieści prahramu padtrymki pryhraničnaha biznesu, jaki panios straty z-za zakrytaj miažy. Vyłučanyja 25 krasavika patrabavańni pryvodzić Gazeta Wyborcza, piša Most.
Zjednoczony Wschód patrabuje stvaryć darožnuju kartu adkryćcia pierachodaŭ z paznačeńniem umoŭ i terminaŭ realizacyi hetaj prapanovy. Taksama abjadnańnie nastojvaje na praciahvańni vypłat kampiensacyj małym i mikrabiznesam, jakija pracujuć u rajonie Biełastoka, dzie ciapier zakrytyja pamiežnyja pierachody. Termin dziejańnia papiaredniaj prahramy finansavaj dapamohi skončyŭsia ŭ lutym 2024 hoda.
Akramia taho, pradprymalniki prapanujuć nie abmiažoŭvać kolkaść padavanych zajaŭ na kampiensacyju i ŭzhadnić ź Jeŭrakamisijaj novuju prahramu finansavańnia, kab srodki mahli atrymać tyja biznesy, jakija ŭžo dasiahnuli limitu dziaržaŭnaj dapamohi.
Pavodle źviestak pradprymalnikaŭ, turysty, jakija pryjazdžajuć ź Biełarusi, štohod pakidali ŭ Polščy 124 młn jeŭra. U takuju sumu aceńvajucca straty rehijanalnaha biznesu.
Administracyja Padlašskaha vajavodstva anansavała vydzialeńnie dadatkovych srodkaŭ na kampiensacyi pradprymalnikam. Havorka idzie pra 5 młn złotych. Ale pra adkryćcio miažy ničoha nie paviedamlajecca.
Pavodle aficyjnych źviestak, z červienia 2023 hoda da 25 krasavika 2024 hoda pamiežnym biznesam vypłacili sumarna bolš za 8,1 młn złotych (kala 1,9 młn jeŭra) kampiensacyj. Za vypłatami majuć prava źviartacca pradprymalniki z takich halin, jak hramadskaje charčavańnie, abmien valuty, roźničny handal, hatelnyja pasłuhi, pasłuhi pa mytnym afarmleńni, a taksama inšyja biznesy, jakija apynulisia ŭ ciažkaj finansavaj situacyi z-za zakryćcia miažy.
Ruch praz polski pierachod «Kuźnica» (ź biełaruskaha boku «Bruzhi») byŭ prypynieny na niavyznačany termin 9 listapada 2021 hoda, a praz «Babroŭniki» (ź biełaruskaha boku «Bierastavica») — 10 lutaha 2023 hoda.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali4
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2626
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra26
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary