Pačaŭsia sud nad zorkaj biełaruskaha «Što? Dzie? Kali?» Fiodaram Šviedavym. Jamu pahražaje da vaśmi hadoŭ kałonii
Jaho sudziać za «finansavańnie ekstremizmu»
Fiodaru Šviedavu 48 hadoŭ. Jon rodam sa Śvietłahorska. U 1998-m skončyŭ Hrodzienski dziaržaŭny ŭniviersitet na fizika. Šviedaŭ ź siamjoj žyvie ŭ Ašmianach. U ich z žonkaj jak minimum troje dziaciej — dvoje darosłych i adno niepaŭnaletniaje.
Fiodar byŭ zorkaj biełaruskaha «Što? Dzie? Kali?» jašče da taho, jak patrapiŭ u televiersiju prahramy.
Hulaje jon z 2006 hoda i ŭdzielničaŭ amal va ŭsich respublikanskich spabornictvach. A ŭ 2013-m, paśla ŭdziełu jahonaj kamandy «Hasiła» ŭ «Brejn-rynhu», ich zaprasili ŭ tak zvanuju «elitarku».
Kamanda Fiodara Šviedava adhulała vosiem siezonaŭ, apošni — u mai 2020-ha. U 2017-m Fiodar atrymaŭ «Vialikuju chrustalnuju savu» jak najlepšy hulec siezona.
Kali jaho zatrymali — dakładna nieviadoma, jak i sutnaść abvinavačańnia. Viadoma tolki, što jon achviaravaŭ da maja 2021 hoda.
Ciapier čytajuć
Łukašenka: Chutka 4 miljony pracoŭnych sahnucca, na karački stanuć, i my nie zmožam im narmalny zarobak płacić28
Kamientary
Čiełoviek skała.
Kohda poślednij raz s nim razhovarivali około hoda nazad, on užie był v statusie podozrievajemoho.
Strašno, čto množiestvo druziej i znakomych prošli čieriez sudy za eti 4 hoda.