Biełaruś całkam prypynić dziejańnie Damovy ab zvyčajnych uzbrojenych siłach u Jeŭropie
Alaksandr Łukašenka ŭzhadniŭ uniasieńnie ŭ Pałatu pradstaŭnikoŭ zakonaprajekta nakont prypynieńnia dziejańnia Damovy ab zvyčajnych uzbrojenych siłach u Jeŭropie (DZUSIE).
Raniej Biełaruś prypyniła dziejańnie DZUSIE ŭ dačynieńni da Polščy i Čechii. Ciapier ža havorka idzie ab poŭnaj prypynieńni damovy.
Da hetaha Damova ab zvyčajnych uzbrojenych siłach u Jeŭropie była denansavana Rasijaj. Taksama ź jaje vyjšli abo prypynili dziejańnie niekatoryja inšyja ŭdzielniki, u tym liku ZŠA, Polšča.
«Prajekt zakona praduhledžvaje prypynieńnie dziejańnia DZUSIE, ale nie aznačaje vychad Biełarusi ź jaho i spynieńnie ažyćciaŭleńnia va Uzbrojenych siłach unutranych pracedur, źviazanych ź jaho vykanańniem».
Biełaruś u poŭnym abjomie vykonvaje abaviazacielstvy pa damovie, u tym liku niaŭchilna prytrymlivajecca ŭstanoŭlenych hraničnych uzroŭniaŭ najaŭnaści ŭzbrajeńniaŭ, vajskovaj techniki i asabistaha składu Uzbrojenych sił», — dadali ŭ pres-słužbie Łukašenki.
Damova ab zvyčajnych uzbrojenych siłach u Jeŭropie (DZUSIE) była padpisana ŭ 1990 hodzie 22 krainami. Jana ŭstupiła ŭ siłu ŭ 1992 hodzie. U asnovie DZUSIE była sistema kolkasnych abmiežavańniaŭ na piać asnoŭnych katehoryj zvyčajnych uzbrajeńniaŭ i techniki ŭ zvyčajnych uzbrojenych siłach dziaržaŭ-udzielnic u rajonie prymianieńnia dahavora — bajavyja tanki, bajavyja braniavanyja mašyny, artyleryju, udarnyja viertaloty i bajavyja samaloty.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju23
Kamientary