Ranicaj 18 sakavika piensijanierka z Hrodna adpraviłasia damoŭ da svajoj 44-hadovaj dački, bo apošniaja nie adkazvała na jaje zvanki. Bramka, jakaja viadzie na dvor, była začyniena. U adnym z pakojaŭ na padłozie lažała niežyvaja jaje dačka, na tvary i šyi byli šmatlikija hiematomy, u inšym — 51-letni ziać.
Jak piša SK, 44-hadovaja žančyna pierastała vychodzić na suviaź ź viečara 16 sakavika. Tryvohu zabili jaje dočki, jakija žyvuć za miažoju, mienavita jany paprasili babulu naviedać baćkoŭ.
Śledčyja razhladajuć niekalki viersij zdareńnia. Pavodle adnoj ź ich mužčyna źbiŭ žančynu, a paśla zadušyŭ. A kali ŭśviadomiŭ, što žonka nie padaje prykmiet žyćcia, vyrašyŭ «zamieści» ślady, pra što śviedčać vyjaŭlenyja ŭ vannym pakoi, u tym liku i ŭ pralnaj mašynie, skryvaŭlenyja rečy, a taksama zamytyja ślady kryvi na dyvanie ŭ pakoi. Paśla čaho mužčyna ździejśniŭ samahubstva.
Ustanoŭlena, što niezadoŭha da zdareńnia pamiž mužam i žonkaj adbyŭsia kanflikt. Adnak paśla jany prymirylisia, praciahnuli pražyvać sumiesna.
Uzbudžana kryminalnaja sprava pa artykule «Zabojstva».
Heta ŭžo treci taki vypadak za miesiac, jaki staŭ viadomy hramadskaści.
Ranicaj 26 sakavika ŭ ekstrannyja słužby pastupiła paviedamleńnie ab vyjaŭleńni cieła 73-hadovaha mužčyny z prykmietami padzieńnia z vyšyni kala doma pa vulicy Mirašničenki. U kvatery zahinułaha milicyjanty znajšli miortvaj 71-hadovuju žančynu sa šmatlikimi nažavymi ranieńniami. Pa viersii SK, mužčyna zabiŭ žonku i pakončyŭ z saboj.
15 sakavika žychar Stolina, pavodle SK, zabiŭ žonku i pasprabavaŭ skončyć žyćcio samahubstvam — jon urezaŭsia ŭ stełu z nazvaj horada.
Ciapier čytajuć
Biełarus nabyŭ kvateru ŭ Ispanii, ale jaje zaniali akupasy. Ciapier jon nie moža jaje viarnuć14
Kamientary