Pucin daručyŭ zrabić ekanomiku Rasii čaćviortaj u śviecie da 2030 hoda
Pucin taksama daručyŭ uradu da 2030 hoda damahčysia, kab uzrovień biednaści nasielnictva Rasii ŭpaŭ nižej za 7%.
Uładzimir Pucin daručyŭ zabiaśpiečyć da 2030 hoda ŭvachodžańnie Rasii ŭ čaćviorku najbujniejšych ekanomik śvietu. Śpis daručeńniaŭ kiraŭnika dziaržavy apublikavany na sajcie Kramla, piša RBK.
Pucin daručyŭ uradu pryniać miery, jakija zabiaśpiečvajuć «uvachodžańnie da 2030 hoda Rasijskaj Fiederacyi ŭ čaćviorku najbujniejšych ekanomik śvietu pa abjomie vałavoha ŭnutranaha praduktu, raźličanamu pa parytecie pakupnickaj zdolnaści». Urad pavinien dać spravazdaču pierad kiraŭnikom dziaržavy ab pośpiechach da 31 sakavika 2025 hoda.
Pucin taksama daručyŭ uradu da 2030 hoda damahčysia, kab uzrovień biednaści nasielnictva Rasii ŭpaŭ nižej za 7%, a biednaści šmatdzietnych siemjaŭ — da 12% i nižej.
Pucin taksama zapatrabavaŭ źnizić dolu impartu ŭ VUP da 17% i pavialičyć niesyravinny nieenierhietyčny ekspart nie mienš čym na dźvie traciny ŭ paraŭnańni z 2023 hodam.
U kancy lutaha 2024 hoda padčas abviaščeńnia Pasłańnia Fiederalnamu schodu Pucin zajaviŭ, što rasijskaja ekanomika ŭ 2023 hodzie pakazała dobry rost, dziakujučy jakomu kraina moža ŭvajści ŭ čaćviorku najbujniejšych ekanomik śvietu. Ciapier, pavodle jaho słoŭ, ekanomika Rasii — najbujniejšaja ŭ Jeŭropie pa pamiery vałavoha ŭnutranaha praduktu pa parytecie pakupnickaj zdolnaści i piataja ŭ śviecie.
Jon adznačyŭ, što pa ekanomicy «rasijanie apiaredzili nie tolki viadučyja krainy Jeŭrasajuza, ale i ŭsie dziaržavy tak zvanaj «Vialikaj siamiorki». Jon dadaŭ, što vielizarnuju rolu ŭ hetym adyhraŭ «fundamientalny zapas tryvałaści, jaki byŭ zrobleny za apošnija dziesiacihodździ».
Ciapier čytajuć
U minskim mietro prachodziać vyprabavańni novyja ciahniki FOTY2
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary