Hrodzienskaha pradprymalnika asudzili na try hady «chimii» za abrazu i paklop na Łukašenku
Sud Leninskaha rajona Hrodna asudziŭ dyrektara pryvatnaha pradpryjemstva Vitala Šyčko, abvinavaciŭšy jaho ŭ paklopie na Alaksandra Łukašenku (č. 2 art. 367 KK), a taksama ŭ jahonaj abrazie (č. 2 art. 368 KK). Spravu razhladała sudździa Natalla Kozieł, piša «Viasna».
Da suda Vital Šyčko, jaki maje na ŭtrymańni dvuch dačok, znachodziŭsia pad vartaj.
Pa materyjałach abvinavačańnia, Šyčko, znachodziačysia ŭ horadzie Lida, pakinuŭ u telehram-kanale «Harodnia 97%» abraźlivyja kamientary ŭ dačynieńni da Alaksandra Łukašenki, jakija «prynizili honar i hodnaść asoby i byli spałučanyja z abvinavačvańniem u ździajśnieńni asabliva ciažkaha złačynstva».
Sud pryznaŭ jaho vinavatym i pastanaviŭ pakarać na padstavie č. 2 art. 367 KK abmiežavańniem voli na termin try hady, i na padstavie č. 2 art. 368 KK abmiežavańniem voli na termin dva hady.
Pa sukupnaści abvinavačańniaŭ kančatkova pryznačana pakarańnie ŭ vyhladzie troch hadoŭ chimii.
Paśla abviaščeńnia prysudu jon byŭ vyzvaleny z-pad varty.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary