U Homielskim rajonie ŭ 12-hadovaha chłopčyka zafiksavali vypadak hiemarahičnaj lichamanki z nyračnym sindromam
U adździele hramadskaha zdaroŭja Homielskaha abłasnoha Centra hihijeny, epidemijałohii i hramadskaha zdaroŭja raskazali, što dyjahnaz byŭ pastaŭleny 12-hadovamu chłopčyku. Jamu spatrebiłasia miedycynskaja dapamoha. Padletak znachodziŭsia ŭ stacyjanary, z palapšeńniem jaho ŭžo vypisali dadomu, piša BiełTA.
Jak rastłumačyli śpiecyjalisty, hiemarahičnaja lichamanka z nyračnym sindromam — virusnaje zachvorvańnie, jakoje pieradajecca lasnymi myšapadobnymi hryzunami.
Jano moža vyjaŭlacca takimi simptomami, jak nievialiki kašal, dryžyki, pavyšeńnie tempieratury da 39-40 hradusaŭ, bol u ciahlicach i sustavach, suchaść u rocie, vysypańni na plačach, ciele, hrudziach.
Zaražeńnie mahčyma pavietrana-pyłavym šlacham, fiekalna-aralnym, a taksama kantaktnym — pry sudotyku paškodžanych skurnych pakrovaŭ z abjektami źniešniaj asiarodździa — sienam, hallom, sałomaj, karmami, zabrudžanymi vyłučeńniami hryzunoŭ.
Dla niedapuščeńnia zaražeńnia śpiecyjalisty Homielskaha rajonnaha centra hihijeny i epidemijałohii rekamiendujuć pry naviedvańni lesu stroha vykonvać asabistuju hihijenu, a posud i ježu ni ŭ jakim razie nie raskładvać na travie, ziamli, pniach.
Pry ŭborcy dačnych, padsobnych pamiaškańniaŭ, haražoŭ, sklapoŭ, pieraborcy harodniny rekamiendujecca apranać masku i humovyja palčatki. Taksama važna svoječasova vyvozić bytavoje śmiećcie z pryvatnych domaŭładańniaŭ, nie dapuskać praniknieńnia hryzunoŭ u žyłyja pamiaškańni i haspadarčyja pabudovy.
Ciapier čytajuć
«Niejkaja Liza, jakoj 20 hadoŭ, sudzicca z Łukašenkam» — vialikaja hutarka z novaj vice-śpikierkaj KR Lizavietaj Prakopčyk2
Kamientary