U Adesie ad udaru drona zahinuła siamja z tryma dziećmi. Usiaho 12 achviar
Pad zavałami šmatpaviarchovika ŭ Adesie, kudy ŭ noč na subotu trapiŭ «Šachied», znajšli cieły 10-hadovaha chłopčyka i jaho 8-hadovaj siastry.
Pra heta paviedamiŭ staršynia Adeskaj abłasnoj dziaržaŭnaj administracyi Aleh Kipier u svaim telehram-kanale.
«Ratavalniki debłakujuć ich z bracikam cieły», — napisaŭ jon.
Raniej ratavalniki znajšli cieły maci hetych dziaciej i jaje muža, a taksama 7-miesiačnaj dački.
Kolkaść achviar ad udaru pa Adesie vyrasła da 12.
Načny ŭdar pa Adeskaj vobłaści byŭ naniesieny vaśmiu dronami-kamikadze typu Shahed-131/136. Siem ź ich źniščyli, a adzin trapiŭ u 9-paviarchovy dom.
«Hustanasieleny rajon. Tut prosta žach. Na miescy pracujuć ratavalniki, municypalnyja i avaryjnyja słužby. Viaducca razbory zavałaŭ», — paviedamlaŭ mer Hienadź Truchanaŭ.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam17
Kamientary