«U nas svaje tradycyi vybaraŭ, jakija sprabavali vytručvać, dośvied z časoŭ Połackaha kniastva» — CVK
Staršynia Centralnaj vybarčaj kamisii Ihar Karpienka hatovy «dać foru luboj demakratyi».
«U nas jość svaje peŭnyja tradycyi, darečy, jakija ŭ nas sprabavali vielmi doŭha vytručvać i ŭvieś čas rabić nas niejkimi niedaskanałymi, što my tut i hałasavać nie ŭmiejem, i sistema ŭ nas niejkaja nie takaja, i kamisii ŭ nas nie tak pracujuć. Sprabavali nam hetuju niedaskanałaść pastajanna naviazać.
Ale ja mahu skazać, što ŭ nas bahaty dośvied sa staražytnych časoŭ da sučasnaści, jašče pačynajučy ź viečavych tradycyj Połackaha kniastva. Tamu my možam całkam dać foru luboj inšaj demakratyi», — pachvaliŭsia Karpienka ŭ efiry ANT.
Sioleta na deputackich vybarach namalavali rekordnuju jaŭku daterminovaha hałasavańnia — 42%. Sapraŭdnuju kolkaść hałasoŭ nichto nie ličyć — pieramožcy viadomy zahadzia. A kab biełarusy za miažoj nie psavali karcinku, vybarčyja ŭčastki pry pasolstvach vyrašyli pierad hetaj elektaralnaj kampanijaj zakryć.
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary