Alaksandr Syrski ŭznačalvaje ŭkrainskuju armiju try tydni.
«Praciahvaju pracavać na Uschodnim froncie. Za troje sutak stała całkam zrazumieła, čamu pry adnolkavych pakazčykach ukamplektavanaści, uzbrajeńnia i vajennaj techniki adnym bryhadam udajecca strymlivać ataki praciŭnika i ŭtrymlivać pazicyi, a inšym — nie», — napisaŭ Alaksandr Syrski ŭ svaim telehram-kanale.
Jon miarkuje, što heta najpierš zaležyć ad kamandzira bryhady, jaho ŭzroŭniu padrychtoŭki, dośviedu, umieńnia prymać adekvatnyja i ŭzvažanyja rašeńni i razumieńnia poŭnaj adkaznaści za vykanańnie pastaŭlenych zadač, za žyćcio i zdaroŭje padnačalenych.
«Biezumoŭna, vialikuju rolu adyhryvaje ŭzrovień padrychtoŭki i zładžanaści štaba bryhady, praź jaki kamandzir ažyćciaŭlaje svaje paŭnamoctvy. Tamu ŭ asobnyja bryhady, dzie jość prablemy z padrychtoŭkaj štaba, ja nakiravaŭ hrupy śpiecyjalistaŭ dla pieradačy vopytu i akazańnia dapamohi», — padzialiŭsia Alaksandr Syrski.
«Pa vynikach prasłuchoŭvańnia kamandziraŭ bryhad i ich namieśnikaŭ pryniaty ŭsie nieabchodnyja rašeńni pa zabieśpiačeńni reziervami, bojeprypasami, BPŁA i inšaj technikaj. U niekatorych vypadkach, kali kamandzir nie kantraluje situacyju, a dziejańni i kamandy pahražajuć niepasredna žyćciu i zdaroŭju padnačalenych, ja vymušany prymać kadravyja rašeńni.
U cełym ža siońnia chaču adznačyć dziejańni vajennasłužačych 54-j AMBr, jakija trapnym ahniom artyleryi ŭ spałučeńni ź piśmiennym miniravańniem źniščyli dźvie kałony branietechniki praciŭnika, stojkaść i mužnaść bajcoŭ 25-j APDBr i 47-j AMBr u bajach za Orłaŭku i Bierdyčy, rašučaść i mužnaść voinaŭ 79-j ADŠBr pry adbićci varožych atak u rajonie Novamichajłaŭki», — raskazaŭ jon, dadaŭšy, što situacyja na froncie zastajecca składanaj, ale kantralavanaj.
Alaksandr Syrski byŭ pryznačany hałoŭnakamandujučym USU 8 lutaha zamiest Valeryja Załužnaha.
Što viadoma pra Syrskaha, jaki zamianiŭ hienierała Załužnaha
Alaksandr Syrski raskazaŭ, za košt čaho źbirajecca pieramahać u vajnie
Baćki novaha kiraŭnika USU Syrskaha žyvuć u Rasii
Niezvyčajnaje chobi novaha hałoŭnakamandujučaha USU Alaksandra Syrskaha
«My nie možam sabie dazvolić «miasnych šturmaŭ» — Alaksandr Syrski
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii7
Kamientary
Uiljam Džiejms.iaki da Džojsa uvieł hieta.. Vot čto on napisał v knihie «Principy psichołohii», kotoraja vyšła v 1890 hodu: V soznanii niet śviazok, ono tiečiot nieprieryvno...
Pasprabujcie znajści assacijacyi alluzii Dźla hietaha bolš čytajcie...Ulis Vam zajšou??Mnie bolej H Hieśsie naprykład " Ihra u bisier" Ci " Stiepny vouk"