Niezadavolenaść uładaŭ vyklikała i toje, što Alaksandr Zarecki taksama admaŭlaŭsia ŭdzielničać u palityčnych mierapryjemstvach, jakija jany ładziać.
Alaksandr Zarecki, pastar jevanhielskaj carkvy Novałukomla (Čašnicki rajon, Viciebskaja vobłaść) byŭ učora zatrymany za toje, što padčas nabaženstvaŭ u jaho abščynie hučała malitva za spynieńnie vajny va Ukrainie, piša «Chryścijanskaja vizija».
Raniej miascovyja ideołahi nieadnarazova vykazvali pretenzii pastaru z hetaj nahody i pahražali pieraśledam.
Niezadavolenaść uładaŭ vyklikała i toje, što pastar taksama admaŭlaŭsia ŭdzielničać u palityčnych mierapryjemstvach, jakija jany ładziać.
Zarecki i jaho abščyna padviarhalisia pieraśledu z boku siłavikoŭ užo nie raz. U lipieni 2021 hoda ŭ pastara adbyvaŭsia pieratrus, u listapadzie 2021 hoda administracyjnaja sprava była raspačataja z-za niaznačnych niedakładnaściaŭ pry afarmleńni humanitarnaha hruzu.
20 krasavika 2023 hoda pastar byŭ zatrymany pa art.19.11 KaAP RB za łajki i kamientary da materyjałaŭ ź internet-resursaŭ, pryznanych ekstremisckimi.
Pastar dvojčy zapar atrymaŭ aryšt na 15 sutak, pravioŭšy za kratami miesiac.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA124
Kamientary