19 studzienia Łukašenka, naviedvajučy zavod «BiełDžy», siarod inšaha zhadaŭ, što šmat hadoŭ aŭtamabilny kancern BMW nibyta padaryŭ jamu «pieršy maleńki-maleńki aŭtamabil». Hetuju zajavu Biełaruski rasśledavalnicki centr paprasiŭ paćvierdzić ci abvierhnuć pradstaŭnikoŭ samoha kancerna.
Vystupajučy 19 studzienia pierad rabočymi na zavodzie «BiełDžy», Łukašenka dakazvaŭ im pierśpiektyŭnaść elektraaŭtamabilaŭ:
«Uvieś śviet siońnia zatočany na vytvorčaść… hibrydnych aŭtamabilaŭ. Heta značyć dyzielnaje paliva, bienzin toj ža, ruchavik, padzaradka — elektramabil. I čystyja elektramabili.
Uvieś śviet siońnia, usie kampanii, usie, i BMW, niejak jany mnie padaryli pieršy maleńki-maleńki aŭtamabil šmat hadoŭ tamu. Heta značyć, jany ŭžo tady pačali rabić elektramabili. Heta značyć śviet nam demanstruje, kudy ruchacca».
«My ŭvažliva vysłuchali hetuju pramovu spadara Łukašenki. Dla BMW AG i jaho handlovych partnioraŭ, jak suśvietnaha vytvorcy aŭtamabilaŭ, vykanańnie zakonaŭ i praviłaŭ źjaŭlajecca abaviazkovym.
Paśla pravierki faktaŭ našym aficyjnym imparcioram BMW u Biełarusi my nie možam paćvierdzić zajavu spadara Łukašenki ab tym, što jon «u minułym atrymaŭ aŭtamabil u padarunak ad BMW», — prakamientavali hetuju zajavu ŭ BMW.
U 2019 hodzie Alaksandr Łukašenka ŭžo, darečy, chvaliŭsia, što atrymaŭ mašynu ad viadomaha vytvorcy ŭ padarunak. Tady havorka išła pra Tesla: «U mianie jość elektryčnaja mašyna Tesla, ja časam jaje testuju. Mask padaryŭ». Adnak zasnavalnik kampanii Tesla Iłan Mask hetyja słovy Łukašenki adrazu ž abvierh, a jahonaje łakaničnaje Uh no, napisanaje ŭ tvitary z hetaj nahody, stała miemam.
Kaardynatar polskich śpiecsłužbaŭ paviedamiŭ, što Łukašenka havoryć łuchtu
Pucin paprasiŭ Łukašenku skazać dva słovy, a jon skazaŭ čatyry. I ŭsie čamuści pa-biełarusku
«Ludzi pavinny adčuvać siabie ŭ biaśpiecy ŭ luby čas sutak». Łukašenka ŭpeŭnieny, što takoje adčuvańnie źjaŭlajecca pry nazirańni ŭzbrojenych siłavikoŭ
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary