USU ŭdaryli z HIMARS pa pastrajeńni rasiejskich vojskaŭ na palihonie ŭ Chiersonskaj vobłaści
Heta ŭžo druhi za dva dni dakładny ŭdar USU pa pastrajeńniach rasiejskich vajskoŭcaŭ.
Ukrainskaja armija 21 lutaha naniesła try ŭdary z reaktyŭnych sistem załpavaha ahniu HIMARS pa pastrajeńniach vojskaŭ RF u Chiersonskaj vobłaści. Adpaviednyja videazapisy zjavilisia va ŭkrainskich kanałach.
Udar byŭ naniesieny pa palihonie kala vioski Pada-Kalinaŭka ŭ akupavanaj častcy Chiersonskaj vobłaści. Imavierna, heta terytoryja nacyjanalnaha parku «Alaškoŭskija Piaski».
Pavodle ŭkrainskaha «Lusterka tydnia», na palihonie prachodzili sumiesnyja zaniatki troch padraździaleńniaŭ armii RF, tudy źbiralisia pryjechać z pravierkaj kiraŭniki rasijskaj hrupoŭki vojskaŭ «Dniapro».
Pavodle krynic vydańnia, zahinuli nie mienš za 60 rasiejskich vajskoŭcaŭ.
Hienštab USU i Minabarony RF udar pa palihonie nie kamientavali.
Heta ŭžo druhi ŭdar pa rasiejskich pastrajeńniach za dva dni.
20 lutaha USU nanieśli ŭdar pa palihonie rasijskaj armii kala vioski Trudoŭskaje pad Vałnavachaj u «DNR». U momant udaru, pavodle VVS, na palihonie znachodzilisia try roty sałdat, jakija čakali pryjezdu hienierała. Pry ŭdary zahinuli kala 70 rasiejskich vajskoŭcaŭ z 36-j hvardziejskaj motastrałkovaj bryhady z Zabajkalskaha kraju.
Kamientary