Try hady kałonii Iharu Ledniku pryznačyła sudździa Taćciana Šocik
Palitviazień mieŭ invalidnaść druhoj hrupy praz prablemy z sercam. U źniavoleńni stan zdaroŭja Ihara Lednika istotna pahoršyŭsia, jamu była zroblena apieracyja na straŭnikava-kišačnym trakcie.
Zhodna z materyjałami spravy, Lednik pradstaviŭ dla publikacyi ŭ adzin z časopisaŭ artykuł z zahałoŭkam «Mižnarodna pryznany niejtralitet Biełarusi — harantyja biaśpieki ŭ rehijenie ABSIE». U im ŭtrymlivalisia «zahadzia iłžyvyja źviestki, jakija hańbiać i źnievažajuć honar i hodnaść Łukašenki, złučanyja z abvinavačvańniem u asabliva ciažkich złačynstvach, u tym liku suprać biaśpieki čałaviectva».
Taćciana Šocik viadomaja svaimi palityčna matyvavanymi prysudami. Jana ŭznačalvała pracesy pa spravie futbalista Vasila Chamutoŭskaha, muzyki Alaksandra Kucharenki, eks-advakata Andreja Mačałava. Taksama jana asudziła minčuka da troch miesiacaŭ aryštu za nadpis «Niet vojnie» na płocie, piša «Viasna».
Ihar Lednik pamior u mahiloŭskaj kałonii. Jamu było 63 hady. Heta piataja śmierć palitviaźniaŭ u kałonijach i turmach (Vitold Ašurak, Mikałaj Klimovič, Aleś Puškin, Vadzim Chraśko).
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary