«Apienhiejmier» i «Niebaraki» stali tryumfatarami, a «Barbi» zastałasia ni z čym
U Łondanie prajšło ŭručeńnie ŭznaharod Brytanskaj akademii kino i televizijnych mastactvaŭ (BAFTA), napeŭna, treciaj pa prestyžnaści kinapremii paśla «Oskara» i Kanskaha kinafiestyvala.
Samy vialiki pośpiech pryjšoŭsia na dolu błokbastara Krystafiera Nołana «Apienhiejmier», jaki vyjhraŭ siem naminacyj, u tym liku za najlepšy film, najlepšaje vykanańnie mužčynskaj roli (Kilijan Miorfi) i najlepšaha režysiora, piša Bi-bi-si.
U Nołana dva hramadzianstvy: Vialikabrytanii i ZŠA. Adnak kali chtości i sumniavaŭsia, ci zastajecca jon pa-raniejšamu vierny svaim brytanskim karaniam, hetyja sumnievy raźviejalisia paśla taho, jak Nołan skazaŭ, što dla jaho heta jak «viartańnie dadomu».
Pradziusaram «Apienhiejmiera» była žonka Nołana Ema Tomas. Jana skazała, što i ŭjavić sabie nie mahła takoha pośpiechu.
Jana taksama pachvaliła svajho muža, nazvaŭšy jaho bliskučym «čałaviekam, poŭnym «natchnieńnia». Praŭda, jana dadała, što časam jon jaje «pryvodzić u šalenstva», ale pry hetym «zaŭsiody akazvajecca maje racyju».
A najlepšaja mužčynskaja rola druhoha płana taksama dastałasia «Apienhiejmieru». Hetuju ŭznaharodu atrymaŭ Robiert Daŭni (małodšy), jaki syhraŭ rolu amierykanskaha biznesoŭca Ljuisa Štraŭsa, jaki adzin čas uznačalvaŭ kamisiju atamnaj enierhietyki.
Na druhim miescy ź piaćciu ŭznaharodami akazalisia «Niebaraki» z Emaj Stoŭn u hałoŭnaj roli. Sama Stoŭn atrymała ŭznaharodu za najlepšuju žanočuju rolu.
Histaryčnaja drama «Zona intaresaŭ» pra Aśviencim atrymała try premii BAFTA, uklučajučy vybitny brytanski film.
A najbolš papularnyja ŭ hledačoŭ «Barbi» i «Sołtbiorn» zastalisia ni z čym, niahledziačy na toje, što byli naminavanyja na dziesiać uznaharod.
«Heta byŭ vidavočna drenny viečar dla Barbi. Niahledziačy na prysutnaść jaho zorak: Marho Robi i Rajana Hoślinha, a taksama režysiora Hrety Hiervis, samy kasavy film minułaha hoda nie vyklikaŭ lubovi ŭ adkaz u sudździaŭ. U jaho było piać naminacyj, ale nivodnaj uznaharody», — adznačyła žurnalist Kiejt Razaŭ.
Najlepšym dakumientalnym filmam stała stužka «20 dzion u Maryupali» Mścisłava Čarnova. Jon na scenie cyrymonii zajaviŭ, što heta film pra narod Ukrainy: «Historyja Maryupala — heta simvał usiaho, što było, simvał baraćby, simvał viery. Davajcie praciahvać zmahacca».
Paśla cyrymonii ŭznaharodžańnia i bankietaŭ pieramožcy i pieramožanyja adpraviacca ŭ ZŠA rychtavacca da «Oskara», jaki projdzie 10 sakavika.
Stała viadoma, chto sioleta budzie pretendavać na «Oskar»
«Niebaraki» (Poor Things): pahladzieli samy dziŭny film hoda i raskazvajem, čaho čakać
Novy «Džokier», «Niebaraki» i druhi «Hładyjatar»: top-10 filmaŭ, jakija vyjduć u 2024-m
«Apienhiejmier» atrymaŭ «Załaty hłobus» za najlepšy film
Ahidny i vostrasacyjalny. Pra što film «Sołtbiorn», jaki rvie tyktok
Ciapier čytajuć
Cichanoŭski: Ja ž nie viedaŭ, što ludzi bajacca pakazvać tvary i bajacca za svaich svajakoŭ! Ja nabivaju huzy sam10
Kamientary