Biełaruś pavialičvaje ekspart soli ŭ Polšču, niahledziačy na sankcyi
Pavodle źviestak polskich vytvorcaŭ, letaś Biełaruś mahła pastavić u Polšču bolš za 100 tysiač ton vyvaranaj, kamiennaj i charčovaj soli. Abjomy ekspartu pakul nie dasiahajuć davajennych, adnak praciahvajuć raści. Heta moža prynosić biełaruskamu biudžetu miljony dalaraŭ, piša Thinktanks.by na asnovie infarmacyi polskaj presy, atrymanaj ad hulcoŭ miascovaha rynku.
Biełaruskaja sol pastaŭlajecca pieravažna kupcam z Centralnaj i Uschodniaj Jeŭropy, a najbujniejšym rynkam rehijonu źjaŭlajecca jakraz Polšča.
U 2021 hodzie ekspart biełaruskaj soli ŭ Jeŭrasajuz, pavodle danych Jeŭrastata, skłaŭ kala 774 tysiač ton. Z pačatkam vajny abjomy źmienšylisia da prykładna 255 tys. ton.
Poŭnych danych za minuły hod pakul niama, ale za pieršyja 11 miesiacaŭ ekspart biełaruskaj soli tolki ŭ Polšču skłaŭ bolš za 64 tys. ton. Bolš za toje, zimoj z-za pavieličeńnia popytu na sol z boku darožnikaŭ u hetaj krainie rezka pavialičvajecca impart. Polskija hulcy rynku miarkujuć, što ŭ 2023 hodzie ahulnaja kolkaść pastavak soli ź Biełarusi pieravysić 100 tysiač ton.
«Biełaruśkalij» i «Mazyrsol» karystajucca tym, što sankcyi ŭviedzienyja suprać nie ŭsich vidaŭ pradukcyi pradpryjemstvaŭ. Tak, Jeŭrasajuz nie ŭvodziŭ sankcyi suprać charčovaj soli — asnoŭnaha vidu pradukcyi «Mazyrsoli». Najbujniejšy biełaruski vytvorca soli «Biełaruśkalij» znachodzicca pad sankcyjami Jeŭrasajuza, adnak «Mazyrsoli» ŭ abmiežavalnym śpisie niama.
Polskija vytvorcy śćviardžajuć, što abiedźvie kampanii aktyŭna supracoŭničajuć u abychodzie sankcyj: sol, vyrablenaja na «Biełaruśkalii», źmiešvajecca z mazyrskaj i pad brendam apošniaj traplaje na polski rynak.
Polskija pradpryjemstvy źviartajucca da ŭrada z prośbaj uvieści sankcyi suprać «Mazyrsoli». Adnak damahčysia hetaha budzie niaprosta, pakolki Brusiel nieachvotna ŭvodzić abmiežavańni ŭ dačynieńni da pastavak charčovych praduktaŭ.
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary