«Majuć kałasalny vopyt, jaki paskoryć pieramohu Ukrainy». Ukrainskaja armija praciahvaje abnaŭlać kiraŭnictva
Namieśnikami novaha hałoŭnakamandujučaha USU Syrskaha stali Vadzim Suchareŭski i Andrej Lebiadzienka, paviedamiŭ Uładzimir Zialenski.
Pałkoŭnik Suchareŭski budzie adkazvać za bieśpiłotnyja sistemy i raźvićcio prymianieńnia dronaŭ, pałkoŭnik Lebiadzienka — za inavacyi, «mienavita technałahičny kampanient vojska i bajavych sistem», paviedamiŭ prezident Ukrainy.
Taksama Zialenski nazvaŭ namieśnikaŭ novaha kiraŭnika Hienštaba USU Anatola Barhileviča. Imi stali bryhadnyja hienierały Uładzimir Harbaciuk, Alaksiej Šaŭčenka i Michaił Drapaty.
Harbaciuk budzie adkazvać za apieratyŭnuju pracu štaboŭ, płanavańnie i kiravańnie, Šaŭčenka — za łahistyku, Drapaty — za padrychtoŭku vajskoŭcaŭ.
Hałoŭnakamandujučy USU Alaksandr Syrski zajaviŭ, što novapryznačanyja jaho namieśniki Vadzim Suchareŭski i Andrej Lebiadzienka, a taksama namieśniki načalnika Hienštaba Uładzimir Harbaciuk, Michaił Drapaty i Alaksiej Šaŭčenka majuć kałasalnyja viedy i vopyt, jakija paskorać pieramohu Ukrainy ŭ vajnie.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary