U Dubai adbuducca honki ŭ reaktyŭnych kaściumach. Što za jany?
U adpaviednaści z pahadnieńniem, padpisanym z uradam Dubaja, pieršyja ŭ śviecie honki ŭ reaktyŭnych kaściumach adbuducca 28 lutaha. Arhanizatary abiacajuć bolš emocyj i dramy, čym u Formule-1. Raskazvajem, što heta za kaścium.
Ab praviadzieńni honak u reaktyŭnych kaściumach abviaściła kampanija Gravity Industries. Vynachodnik kaściuma Ryčard Braŭninh (Richard Browning) jašče viasnoj minułaha hoda zajaŭlaŭ pra svoj namier ich arhanizavać. U 2018 hodzie byŭ ustanoŭleny suśvietny rekord chutkaści ŭ reaktyŭnym kaściumie. Tady jon raŭniaŭsia 51 kiłamietru. Praz hod chutkaść skłała 137 kiłamietraŭ.
Za siem hadoŭ raspracoŭki ŭ prajekt było inviestavana zvyš 38 miljonaŭ dołaraŭ. Reaktyŭny kaścium zabiaśpiečany adnym turbinnym ruchavikom, jaki intehravany z reziervuaram paliva, što znachodzicca na śpinie piłota, a taksama z čatyrma nievialikimi turbinami na rukach piłota.
Jany zabiaśpiečvajuć kiravańnie palotam i dazvalajuć ździajśniać manieŭry. Bolšaja častka vahi piłota raźmierkavanaja na plečy i ruki. Piłot byccam by trymaje žalezny kryž na himnastyčnych kolcach.
U honkach, što adbuducca ŭ ramkach Dubai Boat Show, prymuć udzieł 8 piłotaŭ. Ich imiony, akramia ŭdzielnika z Abjadnanych Arabskich Emirataŭ, pakul nieviadomyja.
Honka budzie kalcavoj, ale nieviadoma, jakim budzie start — masavym ci raździelnym. Ale arhanizatary abiacajuć, što spabornictva pryniasie bolš emocyj i dramy, čym Formuła-1.
«My nie abmiažoŭvajemsia arhanizacyjaj pakazu palotaŭ i honak. My taksama imkniemsia pavysić intensiŭnaść spabornictvaŭ i emacyjnaha napružańnia na mierapryjemstvie dziakujučy maršrutu palotu, jaki ŭklučaje vyprabavańni dla ŭdzielnikaŭ, jakija patrabujuć manieŭranaści, dakładnaści i chutkaści palotu, kab vyznačyć čatyroch najlepšych supiernikaŭ, jakija buduć zmahacca za try pryzavyja miescy»,
— cytuje słovy zasnavalnika Gravity Ryčarda Braŭninha vydańnie New Atlas.
Kampanija paabiacała da pačatku honak madyfikavać kaściumy, kab zabiaśpiečyć abaronu ŭdzielnika ad patapleńnia ŭ tym vypadku, kali jon patrapić u vadu.
Paviedamlajecca, što kaścium važyć 27 kiłahramaŭ i maje mahutnaść 1010 konskich siłaŭ. Jahony košt składaje 483 tysiačy dołaraŭ.
U raspracoŭščykaŭ užo źjavilisia pieršyja zakazčyki. Imi stali śpiecpadraździaleńni armii Vialikabrytanii i śpiecnaz šerahu arabskich krain. U płanach kampanii raźvićcio biznesu ŭ śfiery zabaŭ i navučańnia palotam. U takim kantekście honki ŭ Dubai — dobraja rekłama.
Čytajcie jašče:
Sakretny amierykanski bieśpiłotny kaśmičny karabiel moža pravieści na arbicie da troch hadoŭ
Najnoŭšy amierykanski stratehičny bambavik B-21 ździejśniŭ pieršy palot
Ciapier čytajuć
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma23
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1515
Kamientary