Vučonyja vyjavili, što aptymisty majuć horšyja kahnityŭnyja zdolnaści

Daśledčyki Univiersiteta Bata na padstavie danych apytańnia bolš za 36 tysiač chatnich haspadarak praanalizavali čakańni ludziej adnosna svajho finansavaha dabrabytu i paraŭnali ich z faktyčnymi finansavymi vynikami.

Vučonyja vyznačyli, što praźmierny aptymizm — adna z najbolš ustojlivych psichałahičnych «praduziataściaŭ», što adyhryvaje vyrašalnuju rolu ŭ pryniaćci rašeńniaŭ, źviazanych z kahnityŭnymi zdolnaściami.

Daśledavańnie pakazała, što praźmierny aptymizm nasamreč bolš ułaścivy ludziam ź nizkimi kahnityŭnymi navykami, takimi jak pamiać, biehłaść movy, łahičnaje myśleńnie i ŭvaha. U toj ža čas tyja, chto vałodaje vysokimi kahnityŭnymi zdolnaściami, schilnyja być bolš realistyčnymi i piesimistyčnymi ŭ svaich finansavych čakańniach. Heta maje asnovatvornaje značeńnie pry pryniaćci klučavych rašeńniaŭ chatnich haspadarak, takich jak źbieražeńni, inviestycyi i spažyvańnie.

Daśledavańnie pakazała, što pry inšych roŭnych umovach u ludziej z samymi vysokimi kahnityŭnymi zdolnaściami vierahodnaść «realizmu» na 22% vyšejšaja, a vierahodnaść «praźmiernaha aptymizmu» na 35% nižejšaja ŭ paraŭnańni z tymi, chto maje nizkija kahnityŭnyja zdolnaści.

«Prahnazavać budučyniu z dakładnaściu składana, i z hetaj pryčyny my možam čakać, što tyja, u kaho nizkaja kahnityŭnaja zdolnaść, buduć rabić bolš pamyłak u mierkavańniach, jak piesimistyčnych, tak i aptymistyčnych.

Ale vyniki vidavočnyja: nizkaja kahnityŭnaja zdolnaść pryvodzić da bolšaj kolkaści samaŭpeŭnienych praduziataściaŭ — ludzi pa sutnaści padmanvajuć siabie ŭ niejkaj stupieni», — adznačajecca ŭ daśledavańni.

Praźmierny aptymizm akazvaje niehatyŭny ŭpłyŭ na rašeńni pa bujnych finansavych pytańniach, takich jak pracaŭładkavańnie, inviestycyi abo źbieražeńni, a taksama luby vybar, źviazany z ryzykaj i niavyznačanaściu, što pahražaje surjoznymi niehatyŭnymi nastupstvami dla indyvidaŭ.

«Nierealna aptymistyčnyja finansavyja čakańni mohuć pryvieści da praźmiernaha ŭzroŭniu spažyvańnia i daŭhoŭ, a taksama niedastatkovych źbieražeńniaŭ. Heta taksama moža pryvieści da pryniaćcia praźmiernaj kolkaści biznes-rašeńniaŭ i nastupnych niaŭdač. Šancy pačać paśpiachovy biznes vielmi niaznačnyja, ale aptymisty zaŭsiody dumajuć, što ŭ ich jość šaniec i zapuskajuć biznesy, asudžanyja na pravał», — adznačajecca ŭ daśledavańni.

U suviazi z hetym vučonyja zaklikajuć vielmi aściarožna stavicca da kancepcyi «pazityŭnaha myśleńnia», jakaja ŭ šmatlikaj litaratury pa samaraźvićci časta razhladajecca jak šlach da ščaścia, zdaroŭja i doŭhaha žyćcia. Aryjentacyja na takoje myśleńnie pryvodzić da taho, što ludzi ŭvieś čas niedaaceńvajuć admoŭnaje i padkreślivajuć stanoŭčaje. Časta heta niehatyŭna ŭpłyvaje na jakaść rašeńniaŭ, jakija jany prymajuć. Asabliva heta aktualna ŭ pytańniach finansavaha dabrabytu, dzie niapravilnaja acenka ryzyk moža mieć surjoznyja nastupstvy.

Čytajcie jašče:

Ludzi, jakija rehularna vitajucca z susiedziami, majuć vyšejšy pakazčyk dabrabytu

Linhvisty dakazali nastroj čałaviectva na pazityŭ

Psichałohija biezadkaznaści. Čamu ludzi vierać haraskopam i kartam Taro

• 12
• 0
• 1
• 2
• 1
• 2
• 0
• 0