Novaje słova ŭ machlarstvie, usim rychtavacca. Praz dypfejkavuju naradu mieniedžar pieravioŭ ašukancam 25 młn dalaraŭ
Na dypfejkavaj anłajn-kanfierencyi ašukancy zmusili adzinaha sapraŭdnaha na joj čałavieka pieravieści $25 miljonaŭ. Padmanuty supracoŭnik na svaje vočy bačyŭ kaleh i svajho dyrektara, jaki i zahadaŭ jamu zrabić pieravod.
Supracoŭnik mižnarodnaj karparacyi ŭ Hankonhu spačatku atrymaŭ niekalki elektronnych listoŭ ad finansavaha dyrektara z prośbaj pieravieści bolš za $25 miljonaŭ na inšy bankaŭski rachunak. Jon zapadozryŭ fišynh. Ale kali «dyrektar» na videasazvonie razam ź inšymi supracoŭnikami karparacyi (taksama dypfejkavymi) paćvierdziŭ źmiest lista, mužčyna zrabiŭ pieravod.
Pa słovach mužčyny, usie ŭdzielniki anłajn-kanfierencyi vyhladali naturalna, razmaŭlali i pavodzili siabie jak u žyćci.
U palicyi Hankonha adznačyli, što heta adna z najbujniejšych afior z užyvańniem dypfejkaŭ. I, zdajecca, pieršaja z adnačasovym udziełam niekalkich padroblenych čałaviek. Heta była składanaja šmatuzroŭnievaja afiera.
Ułady va ŭsim śviecie ŭsio bolš zaniepakojenyja składanaściu technałohii dypfejkaŭ i machlarskim vykarystańniem jaje.
Kamientary