Stała viadoma, kali źjaviacca pieršyja ŭzory pašparta Novaj Biełarusi
Materyjały dla vyrabu dakumienta ŭžo zamoŭlenyja i zjaviacca ŭ Vilni praź miesiac.
«Uvohule my kažam pra nakład mienavita ŭzoraŭ hetych pašpartoŭ, jakija patrebnyja dla pačatku kampanii pa ich pryznańni. Heta kali my źviartajemsia da ŭradaŭ inšych krainaŭ z prośbaj pryznać hety dakumient i kali my pavinny pakazać, jak jon vyhladaje», — skazaŭ u studyi «Biełsata» Valer Kavaleŭski.
Pieršyja ŭzory pašparta Novaj Biełarusi buduć hatovyja da kanca sakavika 2024 hoda. Pra heta paviedamiŭ «Biełsatu» pradstaŭnik Abjadnanaha pierachodnaha kabinietu ŭ zamiežnych spravach Valer Kavaleŭski.
Pa słovach pradstaŭnika Abjadnanaha kabinietu, materyjału, jaki byŭ zamoŭleny, chopić dla vyrabu 30 tysiač pašpartoŭ.
«Ale my ich zmožam vydavać tolki tady, kali ŭ nas buduć pieršyja pryznańni. Tolki tady zmožam prymać zajaŭki ad ludziej, apracoŭvać ich i vieryfikavać, a potym vydavać ludziam pašparty, kab mahli imi karystacca», — udakładniŭ Valer Kavaleŭski.
Jon padkreśliŭ, što sam pašpart Novaj Biełarusi — tolki častka vialikaha prajektu.
Vielmi važnym jaho składnikam budzie orhan vydačy, jaki «pavinien budzie adpaviadać vysokim standartam hetaj industryi», a mienavita — patrabavańniam biaśpieki, pravavoj adkaznaści, zachavańnia źviestak.
Čytajcie taksama:
Tracinie biełarusaŭ amierykancy ŭ 2023 hodzie admovili ŭ vizach
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary
Tym, chto choča nabyć -- raju zadumacca, što budzie, kali bazy dadzienych <<"pašpartoŭ">> z vašymi imionami j zajaŭkami saljuć nauprost u HUBAZ, jak heta nieadnarazova było: ČKB, "Płan Pieramoha", danaty. Vy hatovyja achviaravać losami i žyćciami svajakoŭ i siabraŭ, jakija zastalisia ŭ Biełarusi, dziela ambicyj ofisa?