Novy pamier BPM budzie dziejničać pa 30 krasavika, i ŭ siarednim na dušu nasielnictva pavialičycca na 10,6% i składzie 406,74 rubla.
Minuły raz BPM pavyšali z 1 listapada 2023 hoda.
U vyniku z 1 lutaha pa 30 krasavika biudžet pražytačnaha minimumu ŭstanoŭleny ŭ nastupnych pamierach:
- u siarednim na dušu nasielnictva — 406,74 rubla (raniej 367,79);
- dla pracazdolnaha nasielnictva — 434,6 rubla (raniej 405,27);
- dla piensijanieraŭ — 298,43 rubla (raniej 273,26);
- dla dziaciej va ŭzroście da troch hadoŭ — 260,39 rubla (raniej 237,34);
- dla dziaciej ad troch da šaści hadoŭ — 349,09 rubla (raniej 325,11);
- dla dziaciej ad šaści da 18 hadoŭ — 406,03 rubla (raniej 393,34).
Źmieny zakranuć kala 1,5 młn atrymalnikaŭ sacyjalnych vypłat, ustanoŭlenych ad BPM, bo aŭtamatyčna pierahladajucca ŭbudavanyja ŭ sistemu sacyjalnaj abarony roznyja nadbaŭki i pavyšeńni, a taksama asobnyja sacyjalnyja vypłaty.
Naprykład, sacyjalnyja piensii i dapamohi pa dohladzie invalida, a taksama dapamohi siemjam, jakija vychoŭvajuć dziaciej, i razavyja vypłaty pry naradžeńni dziciaci.
Da prykładu, pry naradžeńni pieršynca siamji zapłaciać 4067,4 rubla (plus 389,5), a pry naradžeńni druhoha i nastupnych dziaciej — 5694,36 rubla (plus 545,3), piša Office Life.
Kamientary