Arhanizatary Adkrytaha čempijanatu Aŭstralii pa tenisie (Australian Open) zabaranili prynosić ściahi Rasii i Biełarusi paśla incydentu ŭ pieršy dzień turniru.
16 studzienia padčas matču pamiž rasijankaj Kamiłaj Rachimavaj i ŭkrainkaj Kaciarynaj Bajndl fanaty na trybunach trymali rasijski ściah. Paśla hetaha pasoł Ukrainy ŭ Aŭstralii Vasil Mirašničenka zaklikaŭ arhanizataraŭ vykonvać umovy niejtralnaha ściaha, paviedamlaje Detsche Welle.
17 studzienia arhanizatary pryniali rašeńnie zabaranić nie tolki ściah Rasii, ale i dziaržaŭny ściah Biełarusi. Pieršapačatkova jany dazvalali zaŭziataram pranosić hetyja ściahi pry ŭmovie, što heta nie pryviadzie da «incydentaŭ».
U turniry ŭ Mielburnie rasijanie i biełarusy biaruć udzieł na ŭmovach niejtralnaści — biez ukazańnia krainy, a taksama ściaha i himna.
U Australian Open biaruć udzieł Viktoryja Azaranka i Aryna Sabalenka. Alaksandra Sasnovič vylecieła ŭ pieršym raŭndzie.
Ciapier čytajuć
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary