«Sastarełaja technałohija». Kitaj pryznaŭ nieefiektyŭnymi hipierhukavyja «cuda-rakiety» Pucina
Kitajskija vajskovyja ekśpierty dali nizkuju acenku hipierhukavym rakietam «Kinžał» — adnamu ź piaci vidaŭ «cuda-zbroi», jakija prezident Uładzimir Pucin prezientavaŭ u 2018 hodzie, śćviardžajučy, što jany nie majuć anałahaŭ i zdolnyja pieraadoleć navat pierśpiektyŭnyja sistemy SRA.
Rakiety Ch-47M2 «Kinžał» vyjavilisia ŭraźlivyja dla raspracavanych u 1970-ja hady amierykanskich sistem Patriot, jakija ciapier vykarystoŭvajuć ukrainskija siły SPA, albo jany, pavodle spravazdač ukrainskich i amierykanskich vajskoŭcaŭ, prosta nie traplajuć pa celach.
«Zjaŭlajecca ŭsio bolš i bolš dokazaŭ taho, što zajavy ZŠA i Ukrainy pa hetym pytańni adpaviadajuć rečaisnaści», — kanstatujecca ŭ artykule šanchajskaha vajennaha časopisa Ordnance Industry Science and Technology, publikacyi jakoha ŭchvalajucca na ŭzroŭni Kampartyi i nacyjanalna-vyzvalenčaj armii KNR, piša The Moscow Times.
Niahledziačy na dekłaracyi Kramla, hetyja rakiety niazdolnyja istotna źmianić situacyju na poli boju va Ukrainie, havorycca ŭ artykule.
Pradstaŭlajučy «Kinžał» amal šeść hadoŭ tamu, Pucin nazvaŭ jaho pieršaj u śviecie manieŭrujučaj hipierhukavoj rakietaj. Adnak jaho manieŭranaść «nielha paraŭnać z manieŭranaściu realnaj hipierhukavaj rakiety», havorycca ŭ šanchajskim časopisie, a trajektoryja, pa jakoj jon ruchajecca, robić jaho ŭraźlivym dla takich sistem SPA, jak Patriot.
U analizie, apublikavanym u viadučym Piekinskim vajenna-navukovym časopisie Military Arms, «Kinžał» nazyvajecca «faktyčna tolki viersijaj taktyčnaj balistyčnaj rakiety [naziemnaha bazavańnia] «Iskander», jakaja zapuskajecca z samalota».
Jon praktyčna nie moža manieŭravać na zvyšhukavych chutkaściach, a «jaho zdolnaść płaniravać u atmaśfiery na dalokich adlehłaściach nie apraŭdvaje čakańniaŭ».
Pakolki «Kinžał» zjaŭlajecca «paśpiešlivym» prajektam — adhalinavańniem ad «Iskandera», jon zasnavany na «sastarełaj technałohii 1980-ch hh.», havorycca ŭ šanchajskim časopisie.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać1
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2020
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna20
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary