Dziaržsakratar ZŠA: Pucin nie spynicca va Ukrainie, jon pojdzie na krainy NATA
Dziaržsakratar ZŠA Entani Blinkien papiaredziŭ, što prezident Rasii Uładzimir Pucin maje ahresiŭnyja zadumy, jakija raspaścirajucca za miežy Ukrainy, i nie spynicca la miežaŭ hetaj krainy, kali jamu dazvolać pieramahčy. Blinkien zajaviŭ, što kali rasijskaha lidara nie spynić, to paśla Ukrainy jon «pojdzie na krainy NATA».
«Kali my dazvolim Pucinu pazbavicca adkaznaści, kali stracim pilnaść i ŭsio, što my robim dla Ukrainy, to heta adkryje skryniu Pandory, — cytuje Blinkiena «Hołas Amieryki». — Jon nie spynicca va Ukrainie, i inšyja patencyjnyja ahresary ŭ inšych rehijonach śvietu zasvojać hety ŭrok».
Pa słovach Blinkiena, taki scenar bahaty surjoznaj niebiaśpiekaj, pakolki moža ŭciahnuć ZŠA ŭ pramy kanflikt z Rasijaj.
«Ja dumaju, što [Pucin] nakiniecca na Ukrainu pa poŭnaj prahramie, a zatym pojdzie na krainy NATA, — skazaŭ kiraŭnik amierykanskaj dypłamatyi. — I viadoma ž, kali jon napadzie na krainu NATA, my budziem abaviazanyja dapamahčy joj u adpaviednaści z artykułam 5 damovy ab NATA».
Blinkien zajaviŭ, što ZŠA chočuć zrabić usio, kab hetaha nie adbyłosia. Jon padkreśliŭ važnaść adabreńnia Kanhresam pakieta koštam 106 miljardaŭ dołaraŭ, zapytanaha prezidentam Džo Bajdenam, jaki ŭklučaje dapamohu Ukrainie.
«Heta nie viečnaja vajna, i dla nas heta taksama nie viečnyja vydatki, — zajaviŭ jon. — Navat ciapier, kali my dapamahajem Ukrainie abaraniać siabie, supracoŭničajučy ź dziasiatkami inšych krain, my pracujem nad tym, kab Ukraina mahła ćviorda stajać na nahach u vajennym, ekanamičnym i demakratyčnym płanie».
Pry hetym jon papiaredziŭ: «Kali my nie atrymajem hetyja hrošy, heta budzie realnaja prablema».
Dziaržsakratar zajaviŭ, što dapamoha Ukrainie — heta ahulnaja sprava ZŠA i ich bližejšych sajuźnikaŭ, jakaja pavinna praciahvacca.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
Kamientary