Hiermanija admoviła ŭ abaronie ŭdzielnicy pratestaŭ i jaje siamji — tam ličać, što doma biełarusam ničoha nie pahražaje
Hamialčancy Aksanie Lichadzijeŭskaj, jaje mužu i dvaim dzieciam admovili va ŭsich vidach abarony ŭ Hiermanii, raspaviadaje Deutsche Welle. Im nie pavieryli, što taki pieraśled naohuł mahčymy. A taksama niamieckija čynoŭniki ličać, što biełarusam na radzimie ničoha nie pahražaje, bo ŭsie jany zdoleli zjechać z krainy.
U 2020 hodzie biełaruska chadziła na pratesty i arhanizoŭvała pikiety, jaje nieadnarazova zatrymlivali, štrafavali i zvolnili z pracy za palityčnuju aktyŭnaść. Razam ź siabroŭkaj jana prydumała znakamituju lalku «Biełaruski ždun», padobnuju na Alaksandra Łukašenku.
Dadomu ŭ Lichadzijeŭskich ź pieratrusam pryjšoŭ adździeł pa baraćbie z narkotykami. U siamji kanfiskavali techniku, na nastupny dzień Aksanu advieźli na dopyt.
U kancy śniežnia hamialčanka zjechała ź dziećmi Polšču. Tam jana paprasiła abarony, ale polskija ŭłady adpravili padavać dakumienty ŭ Hiermaniju, bo ŭ ES jana zajechała pa niamieckaj vizie. Siamja paŭhoda žyła ŭ łahierach dla biežancaŭ.
Rašeńnie pa abaronie Lichadzijeŭskija atrymali ŭ listapadzie 2023, im admovili va ŭsich vidach abarony.
«Niezrazumieła, čamu supracoŭniki milicyi, AMAP i adździeła pa baraćbie z narkotykami pryjšli da zajaŭnika dadomu», — nie pavieryli ŭ historyju ź pieratrusam niamieckija čynoŭniki.
Niamieckija ŭłady ličać, što ŭ Biełarusi Lichadzijeŭskim ničoha nie pahražaje. Aksana ź siamjoj musili pakinuć Hiermaniju, ale jany padali apielacyju na rašeńnie. Ciapier u ich — čarhovy «ždun».
-
Kiraŭnik studyi ZROBIM architects viarnuŭsia ŭ sacsietki paśla zatrymańnia
-
Haładoŭki, pierakulenyja milicejskija mašyny, kroŭ, Jelcyn vyzvalaje palitviaźniaŭ — zhadvajem padziei Čarnobylskaha šlachu-1996
-
Pradpryjemstva pa abychodžańni z radyjeaktyŭnymi adkidami schavała strukturu i štat paśla prychodu dyrektara z KDB
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary
Paŭsiul ludzi jak ludzi. Da 20ha ŭ Biełarusi taksama ludzi nia vieryli, što kali da kahości pryjšli ź pieratrusam, to heta tamu što ŭ milicyi bandziuki siadziać. Taksama viešali na niavinnych ludziej cetliki i hanarylisia što sami "ŭ palityku nia lezuć" byccam heta niešta kiepskaje. U 20m mnohim daviałosia zrazumieć, što akazvajecca jany takija ž jak tyja "apazicyjaniery", i što hedak ža mohuć paciarpieć, ale hetaje razumieńnie dałosia baluča.
Tut sprava prosta ŭ tym, što ludzi - heta ludzi. Ni bolš ni mienš. I psichika ludskaja voś tak pracuje. I kali ty nie hatovy sutyknucca z hetaj realnaściu, ty ničoha nia zmožaš patłumačyć čałavieku, jaki raniej nie paciarpieŭ asabista ad padobnaj niespraviadlivaści da siabie. Maksimum - ŭpeŭnić jaho što ty ci varjat ci chłus.
Škada, što tak nie pašancavała ź niamieckaj vizaj. Zyču znajści sposab dahrukacca.
PS. Navat zaraz mnohija kažuć, što voś "staraja apazicyja" adhrabała za spravu, a voś jany - ni za što. Byccam u "staroj apazicyi" ŭsio ž byli niejkija inšyja ludzi. Psichika supraciŭlacca ŭmieje.