Słavuty arhiencinski futbalist Dyjeha Maradona kančatkova apraŭdany ŭ Italii, dzie abvinavačvaŭsia ŭ niavypłacie padatkaŭ, paviedamiŭ Reuters advakat futbalista Andžeła Pizani. Kasacyjny sud (vyšejšaja sudovaja instancyja) pryznaŭ, što «śviedčańniaŭ uchileńnia ad vypłaty padatkaŭ niama», i zadavoliŭ chadajnictva, pradstaŭlenaje ad imia spadčyńnikaŭ futbalista.
Advakat nahadaŭ, što z Maradony, jaki ŭ kancy 1980-ch hadoŭ hulaŭ u kłubie «Napali» ź Nieapala, u Italii sprabavali spahnać 40 młn jeŭra. Z-za razboru spravy, jaki doŭžyŭsia z 1990-ch, futbalist nie moh naviedvać hetuju krainu, bo jamu pahražali kanfiskacyja majomaści i aryšt.
«Hetuju historyju možna abjavić skončanaj. Maradona ničoha nie pavinien italjanskim padatkavikam. I matematyčnyja, i jurydyčnyja, i łahičnyja raźliki pryvodziać da nula», — skazaŭ juryst.
Sam Maradona pra heta, adnak, užo nie daviedajecca. Adzin z najlepšych futbalistaŭ XX stahodździa pamior 25 listapada 2020 hoda va ŭzroście 60 hadoŭ: pryčynaj stała vostraja sardečnaja niedastatkovaść, jakaja pryviała da acioku lohkich.
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty20
Kamientary