U Mahilovie znajšli cyrulniu, jakaja całkam zachavałasia z 90-ch. Jana pracuje, i ŭ joj taja ž cyrulnica
Papularny błohier Ženia Aniehin schadziŭ pastryhčysia ŭ mahiloŭskuju cyrulniu, u jakoj ničoha nie mianiałasia z 90-ch hadoŭ. Videa adtul sabrała 1,5 młn prahladaŭ.
Błohier kaža, što ŭ cyrulni ŭsio, jak było ŭ 90-ja. Abstalavańnie, šafy, stuły, fieny, telefon, — ničoha nie mianiałasia. Kožnaja drobiaź zachavałasia i znachodzicca ŭ dobrym stanie.
U cyrulni pracuje Natalla, jakoj 65 hadoŭ. Jana tut — ź pieršaha dnia pracy.
Stryžka abyšłasia chłopcu ŭ 5 rubloŭ. Błohier skazaŭ, što pastryhli jaho lepš, čym u sučasnych barbieršopach.
U kamientarach adny čytačy sumniajucca, što heta nie pastanoŭka. «Čaho jana ŭ kažuchu?» — pytajucca takija karystalniki.
Inšyja pišuć, što sapraŭdy jość u Mahilovie takaja cyrulnia, znachodzicca pa adrasie 1-ja Kalektyŭnaja vuł., 8. Niekatoryja śćviardžajuć, što asabista viedajuć Natallu, sami da jaje chadzili, pieradajuć žančynie pryvitańnie i padziaki: «Nataška, reśpiekt tabie, pryčoski taksama rabiła ačmurennyja».
Kamientary