23 śniežnia pravaabaroncy pryznali palitviaźniami jašče 15 čałaviek. Ahulnaja kolkaść ludziej, jakija na siońniašni dzień źjaŭlajucca palitviaźniami, składaje 1499 čałaviek.
Imiony i proźviščy novych palitviaźniaŭ — Siarhiej Botvič, Arciom Jankoŭski, Pavieł Niavyhłas, Kirył Maciuta, Maksim Varniel, Alaksandr Łykšyn, Hanna Čarkas, Uładzimir Łykšyn, Tamara Astrejka, Łarysa Katovič, Ksienija Ryžyk, Kaciaryna Cevan, Eldar Safaraŭ, Julija Stankievič, Juryj Dabrachotaŭ.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Śpis usich palitviaźniaŭ Biełarusi — tut.
Usiaho na dadzieny momant palitviaźniami, pavodle acenak pravaabaroncaŭ, pryznanyja 1499 čałaviek. Apošnim časam ahulnaja ich kolkaść istotna nie raście, a navat časam i źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.
Ciapier čytajuć
Cichanoŭskaja jedzie ŭ Ńju-Jork. Jana moža pierasiekčysia z pradstaŭnikami Łukašenki, ale hałoŭnuju intryhu pakul nie raskryvajuć11
Kamientary