Ukraina moža atrymać doŭhačakanyja źniščalniki F-16 užo pry kancy hetaha hoda
Pieršuju partyju źniščalnikaŭ rychtuje ŭrad Niderłandaŭ.
Ukraina moža atrymać doŭhačakanyja źniščalniki F-16 užo pry kancy hetaha hoda, ličać analityki Instytuta vyvučeńnia vajny.
Amierykanskija analityki nahadali, što premjer-ministr Niderłandaŭ Mark Rute paćvierdziŭ 22 śniežnia padčas telefonnaj razmovy z prezidentam Uładzimiram Zialenskim, što ŭrad Niderłandaŭ padrychtuje pieršyja 18 źniščalnikaŭ F-16 dla pieradačy Ukrainie.
«Choć Rute nie paćvierdziŭ terminaŭ pastaŭki F-16, u niadaŭnim stratehičnym dakumiencie Ministerstva abarony Estonii paznačana, što Niderłandy, Danija, Narviehija i Bielhija ŭžo ŭziali na siabie abaviazki pieradać Ukrainie F-16 «da kanca hoda», — zaklučajuć analityki ISW.
22 śniežnia Niderłandy pryniali rašeńnie pačać padrychtoŭku da pieradačy Ukrainie pieršych vasiamnaccaci źniščalnikaŭ F-16. Pa słovach premjera Niderłandaŭ, «pieradača F-16 — adzin z najvažniejšych elemientaŭ damoŭlenaściaŭ pa vajennaj padtrymcy Ukrainy».
Raniej paviedamlałasia, što z 2024 hoda Francyja dałučycca da padrychtoŭki ŭkrainskich lotčykaŭ na zachodnich źniščalnikach.
U Rumynii pry sadziejničańni Niderłandaŭ u listapadzie adkryli navučalny centr F-16, jaki ŭ pryvatnaści budzie prymać i ŭkraincaŭ.
Ukrainskija ekśpierty ŭletku adznačali, što najaŭnaść źniščalnikaŭ F-16 moža karennym čynam źmianić situacyju ŭ niebie nad Ukrainaj, ale takich źniščalnikaŭ patrabujecca vialikaja kolkaść.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca8
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary