«Nadzieć na šyju stužku ŁHBT — dla mianie heta prosta kraj». Lohkaatletka Mirončyk-Ivanova raskazała pra svaje kalarovyja fobii
Viadomaja lohkaatletka z aktyŭnymi praŭładnymi pohladami Anastasija Mirončyk-Ivanova pryjšła ŭ prapahandysckuju prahramu Marata Markava na ANT i tam raskazała paru vypadkaŭ z žyćcia, kali joj nibyta «kankretna naviazvali» ŁHBT praź ściažki i stužački viasiołkavych koleraŭ.
Pieršaja z hetych historyj tyčyłasia vystupleńnia na niejkich spabornictvach:
«My vystupali na pamoście. Pa-mojmu, heta byŭ etap Bryljantavaj lihi albo niejki mižnarodny turnir. Stajaŭ pamost dla skačkoŭ u daŭžyniu. Kala budynka administracyi, parłamienta, pa-mojmu, pravodzilisia hetyja spabornictvy. I ŭsio było ŭ ŁHBT-ściažkach, u tym liku vietraduj, dzie spartsmieny aryjentujucca na ściažok.
Ja staju na raźbiehu i hladžu na vietraduj, mnie nie vielmi pryjemna. Nichto nas pra heta nie pytaŭsia, ci varta jaho ŭstaloŭvać z hetym ściažkom. Heta było naviazvańnie kankretnaje».
A druhaja była źviazanaja z koleram stužki da miedaloŭ čempijanata śvietu 2011 hoda, dzie Mirončyk-Ivanova spačatku zdabyła čaćviortaje miesca, ale paśla dyskvalifikacyi rasijanki Volhi Kučarenka padniałasia na treciaje:
«Jašče adzin vypadak u mianie byŭ, kali mnie viarnuŭsia miedal z čempijanatu śvietu — jon pryjšoŭ sa stužkaj ŁHBT. Nadzieć na šyju stužku ŁHBT — dla mianie heta zusim, heta prosta kraj… Ja abrezała hetuju stužku. Ciapier miedal u mianie biez stužki.
Časta prychodžu da dzietak u škołu, jany zadajuć pytańnie, čamu miedal biez stužki. Ja adkazvaju, što Biełaruś — za tradycyjnyja siamiejnyja kaštoŭnaści. Tak zdaryłasia, što miedal pryjšoŭ sa stužkaj ŁHBT, jakuju daviałosia vydalić».
«Paznajomiła dziaciej sa śvietam armiejskaha sportu». Dzie ciapier lehiendarnaja viaślarka Kaciaryna Karsten
Dyk ci pajedzie Niedasiekaŭ na Alimpijadu? Voś čaho čakać ad asłableńnia spartovaha banu
«Bali i abdymanki z Łukašenkam — nie palityka?» Spytali ŭ sumlennych spartsmienaŭ, ci varta źniać spartovy ban z Rasii i Biełarusi
Pradaje telefon, vystupaje na rasijskich turnirach. Čym žyvuć najbolš prykmietnyja spartsmieny — prychilniki Łukašenki
Ciapier čytajuć
Stali viadomyja padrabiaznaści taho, jak u Vjetnamie zatrymali Vieramiejčyka12
Kamientary
Ani ŁHBT, ani łukašyzm nie treba naviazvać, a ich naviazvajuć. Pa što mnie heta? Mianie nie chvaluje, chto jak realizuje svaje seksualnyja fantazii. Aby tolki nie škodzili.