Minadukacyi vyznačyłasia z centralizavanymi ispytami. Hetym razam ich praviaduć nie ŭ vychodnyja
Vypusknikoŭ da centralizavanaha ispytu stali rychtavać pa-novamu — z ulikam pamyłak minułaha navučalnaha hoda i ŭpieršyniu praviedzienaha CE. Pra heta zajaviŭ staršynia kamiteta adukacyi Minharvykankama Andrej Stryhielski na pres-kanfierencyi, piša Tochka.by.
«Vyznačany tyja moduli, tyja temy, pa jakich varta było papracavać bolš surjozna i pradmietna. I na praciahu navučalnaha hoda našy nastaŭniki pracujuć nad tym, kab dzieci byli całkam hatovyja da praviadzieńnia CE», — zajaviŭ Stryhielski.
Jašče adna navina — trochu zrušanyja i raźviedzienyja daty ekzamienaŭ, pravodzicca jany buduć u budnyja dni. Nahadajem, terminy praviadzieńnia CE vyznačany byli jašče ŭ vieraśni.
Paśla 11 kłasa vypuskniki buduć zdavać dva CE:
adzin pa pradmiecie na vybar: 27 maja (paniadziełak), reziervovyja dni — u daty praviadzieńnia CT u reziervovyja dni,
ruskaja abo biełaruskaja mova (na vybar): 30 maja (čaćvier), reziervovyja dni — u dni praviadzieńnia CT u reziervovyja dni.
Pieršy centralizavany ispyt i praca nad pamyłkami
Nahadajem, sioleta školniki zdavali pa-novamu ekzamieny i CT: źjavilisia dva CE (zamiest školnych ekzamienaŭ, z vynikami jakich abituryjenty potym pastupali ŭ VNU) i zastałosia tolki adno zamiest troch CT.
Adrazu ž paśla abviaščeńnia pieršych vynikaŭ razhareŭsia skandał: pieršyja vyniki vyklikali škvał niezadavolenaści baćkoŭ i vypusknikoŭ — bały vyjavilisia nižejšymi za čakanyja. A ŭsio praz składanuju sistemu padliku. Minadukacyi spačatku zajaviła, što nijakaha pieraliku nie budzie, ale paśla šumichi ŭ vypusknikoŭ usio ž źjavilisia novyja vyniki CE.
Akramia taho, i baćki, i nastaŭniki adznačali nie vielmi zručnyja daty dla zdačy ekzamienaŭ i maleńkija pramiežki pamiž ispytami. Minadukacyi ž paabiacała čarhovyja naviny dla vypusknikoŭ 2024 hoda. Terminy zdačy CE mohuć źmianicca, taksama, mahčyma, budzie novaja sistema aceńvańnia.
Akramia taho, RIKV anansavaŭ čarhovyja źmieny ŭ CT i CE: mahčyma, znoŭ viernuć zadańni piataha ŭzroŭniu składanaści.
Na adnoj z narad pa vynikach ustupnaj kampanii Alaksandr Łukašenka znoŭ zapatrabavaŭ vyznačycca ź sistemaj pastupleńnia i z tym, pa jakich praviłach jano budzie prachodzić u nastupnym hodzie. A potym zapatrabavaŭ jašče raz, napiaredadni vieraśnia, spynić «usiakija vakchanalii» ŭ adukacyi i narešcie vyznačycca ź sistemaj pastupleńnia ŭ VNU.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ11
Kamientary