Praŭda, jahony «Kałhary» siońnia nočču sastupiŭ «Miniesocie» ź likam 2:5.
Biełaruski abaronca asistavaŭ Konaru Zary, jaki zakinuŭ druhuju šajbu za «Kałhary Fłejmz».
«Fłejmz» zajmajuć 10-je miesca ŭ Zachodniaj kanfierencyi, znachodziačysia ŭ čatyroch bałach ad zony płej-of.
23-hadovy biełaruski abaronca pačynaŭ siezon u farm-kłubie «Fłejmz» — «Kałhary Renhlers», u kancy kastryčnika byŭ vyklikany ŭ «Fłejmz» i pravioŭ pieršy matč za «ahieńčykaŭ» 27 kastryčnika.
Potym jaho znoŭ viarnuli ŭ farm-kłub. Tamu siońnia dla Illi byŭ tolki treci vychad na lod u składzie «Fłejmz».
Inšy biełaruski hulec «Kałhary» Jahor Šaranhovič siońnia vyznačyŭsia tolki dźviuma chvilinami štrafu. U Jahora ŭ hetym siezonie 25 pajadynkaŭ za kłub: piać šajbaŭ i šeść halavych pieradačaŭ.
Alaksiej Protas pravioŭ za «Vašynhton» 21 matč, zakinuŭ dźvie šajby i zrabiŭ siem asistaŭ.
27 listapada debiutavaŭ u novym siezonie za «Aryzonu» Uładzisłaŭ Kalačonak, ale pravioŭ na lodzie tolki 6 chvilin 9 siekundaŭ: atrymaŭ traŭmu, pakinuŭ placoŭku i bolš nie hulaŭ.
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii1
Kamientary