Prezident Vieniesueły abviaściŭ pra stvareńnie najvyšejšaj nacyjanalnaj kamisii pa «abaronie Esiekiba» — zachodniaj častki Hajany.
Nikałas Madura prapanavaŭ stvaryć padraździaleńni viedamstvaŭ, jakija vydajuć licenzii na zdabyču hazu, nafty i karysnych vykapniaŭ na hetaj terytoryi. Naftavym kampanijam, jakija pracujuć u mory, jon daŭ try miesiacy dla zaviaršeńnia pracy, piša ultimasnoticias.com.ve.
«Hajana pavinna viedać, što my robim pravilna, bo heta stanie arhaničnym zakonam dla ŭsich uradaŭ i budučych pakaleńniaŭ, na dziesiacihodździ i dalej (…) Usio, što robicca va ŭmovach demakratyi, u miry, z bačańniem Simona Balivara (zasnavalnika Vieniesueły)», — skazaŭ jon.
Madura abviaściŭ pra stvareńnie zony kompleksnaj abarony Hajany-Esiekiba z tryma zonami kompleksnaha raźvićcia i 28 siektarami kompleksnaha raźvićcia. Jon pryznačyŭ ministra ŭnutranych spraŭ Radryhiesa Kabieljo kiraŭnikom ułady štata Hajana-Esiekiba, palityka-administracyjnaja štab-kvatera jakoha budzie raźmieščanaja ŭ Tumierema na terytoryi Vieniesueły.
U niadzielu ŭ Vieniesuele prajšoŭ refierendum, pa vynikach jakoha kala 95% hramadzian prahałasavali za ŭklučeńnie Esekiba, dzie adkrytyja bahatyja radoviščy, u skład krainy. U Hajanie aścierahajucca, što Esekiba budzie anieksavana.
Ciapier čytajuć
Babaryka: Kali b my pieramahli — vajny va Ukrainie nie było b23
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»77
Kamientary