Viedajecie, chto abhaniaje «Barsiełonu» ŭ čempijanacie Ispanii? Zaštatny kłub z dvuma ŭkraincami ŭ składzie

«Žyrona» idzie da čempijonstva z zajzdrosnaj stabilnaściu. Chacia kamanda časta i prapuskaje pieršaj, jana niaredka dasiahaje stanoŭčaha vyniku ŭ hulni i maje najlepšy pakazčyk pa zabitych miačach u Ła Lizie. Ciapier «Žyrona» moža pachvalicca adnolkavaj kolkaściu ačkoŭ (38) ź lidaram — madrydskim «Reałam», ale karaleŭski kłub abhaniaje «Žyronu» pa roźnicy zabitych i prapuščanych miačej.

Siarod aŭtaraŭ pośpiechu — dva ŭkraincy. Pierš za ŭsio heta napadajučy Arciom Doŭbik. Doŭbik hulaje za ispancaŭ sa žniŭnia 2023-ha, a suma jaho tranśfiera — 7 miljonaŭ jeŭra — stała najvialikšaj u historyi «Žyrony». Papularnaje spartovaje vydańnie Marca nazvała Arcioma adnym z adkryćcioŭ hetaha siezona Ła Lihi.

Pryčym pośpiech Doŭbika niečakany. Jamu ŭžo 26 hadoŭ, jon doŭha hulaŭ u čempijanacie Ukrainy, a kali niekalki hadoŭ tamu pajechaŭ skarać jeŭrapiejski futboł, to atrymałasia aby-što — 3 hały ŭ nie samym mocnym čempijanacie Danii.

Jaho partnior pa kamandzie i pa zbornaj Ukrainy — Viktar Cyhankoŭ, jakomu taksama 26 hadoŭ. Jon pierabraŭsia ŭ «Žyronu» z kijeŭskaha «Dynama» ŭ studzieni 2023-ha za piać miljonaŭ jeŭra.

Niezvyčajny fakt ź bijahrafii spartsmiena — Cyhankoŭ naradziŭsia ŭ Izraili, dzie ŭ toj čas hulaŭ jaho baćka, taksama prafiesijny futbalist.

Cyhankoŭ hulaje ŭ paŭabaronie, ale zabivaje dastatkova šmat, na jaho rachunku ŭžo bolš za 100 hałoŭ za karjeru, heta navat bolš, čym u Doŭbika.

Jašče nie prajšło i pałovy čempijanatu, i vynikovaje miesca «Žyrony» moža być zusim nie topavym. Ale na siońnia siezon 2023/24 — najlepšy ŭ historyi kłuba. Da 2016 hoda kamanda z hetaha statysiačnaha katałonskaha horada nikoli nie vystupała ŭ vyšejšaj lizie čempijanacie Ispanii, a jaje najlepšyja vyniki dahetul — dziasiataje miesca ŭ papiarednich siezonach 

Ekśpierty bačać niekalki pryčyn u takoha pośpiechu ispancaŭ. Pierš za ŭsio, kłub uvachodzić u emiracki spartovy chołdynh City Football Group. Heta daje «Žyronie» mahčymaść karystacca dośviedam inšych kłubaŭ chołdynha, u tym liku i fłahmana «Mančeścier Sici», a taksama brać da siabie talenavitych maładych hulcoŭ, jakija čymści nie padyšli dla inšych kłubaŭ. Dobraja skaŭckaja praca taksama dapamahła «Žyronie» zavabić da siabie Doŭbika i Cyhankova.

Akramia paśpiachovych tranśfieraŭ, sprava jašče i ŭ paśpiachovym taktyčnym styli, jaki vypracavaŭ koŭč «Žyrony» Mičeł. Jany hrajuć dziorzka i ŭpeŭniena, robiać staŭku na tatalnuju ataku. Taksama siarod mocnych bakoŭ «Žyrony» adznačajuć ich kantrol nad tempam hulni i pastajannaje imknieńnie vałodać miačom, jak i fajnuju realizacyju halavych momantaŭ.

U BATE — najhoršyja vyniki za historyju. Top-5 pryčyn pravału

«Hetyja ludzi dla mianie nie isnujuć». Eks-hiendyrektar BATE — pra žyćcio paśla taho, jak vykinuŭ u znak pratestu milicejskuju formu

«Hałoŭnaje — intelekt» i «lepš być trecim, čym druhim». Chackieviču — 50: hutarym pra futboł, žyćcio i bulbu

• 8
• 0
• 0
• 1
• 0
• 0
• 1
• 0