Vyznačyłasia ŭžo pałova zbornych, jakija zavajavali pucioŭki na čempijanat Jeŭropy pa futbole.
Ałbanii dastatkova było siońnia zhulać u Kišyniovie ŭničyju z Małdovaj, kab zavajavać pucioŭku na kantynientalnaje pieršynstvo. Tak i atrymałasia — 1:1. Ałbancy adkryli lik na 25-j chvilinie, ź pienalci zabiŭ Sokał Čykalešy. Małdova zdoleła zraŭniać u kancy matča, vyznačyŭsia Uładysłaŭ Babohła.
U hetaj hrupie siońnia Polšča i Čechija zhulali ŭničyju: 1:1.
Ałbanija — 14 (7 hulniaŭ), Čechija — 12 (7), Polšča — 11 (8), Małdova — 10 (7), Farery — 1 (7).
U apošnim tury ŭ paniadziełak sustrenucca: Ałbanija — Farery i Čechija — Małdova.
Polšča zaviaršyła vystup u hrupie, ale maje šaniec trapić na Jeŭra praz płej-of Lihi nacyj u sakaviku.
U 1990-ja i pačatku 2000-ch ałbancy byli aŭtsajderami jeŭrapiejskaha futboła. Upieršyniu prabilisia na čempijanat Jeŭropy 2016 hoda, u hrupie z Francyjaj, Šviejcaryjaj i Rumynijaj zaniali treciaje miesca, ale pa dadatkovych pakazčykach nie zmahli vyjści ŭ 1/8 finału.
Pucioŭki na Jeŭra-2024 užo zavajavali zbornyja Ispanii, Šatłandyi, Bielhii, Francyi, Anhlii, Turcyi, Słavakii, Partuhalii, Aŭstryi, Vienhryi, Ałbanii, Danii, a taksama ŭdzieł u čempijanacie Jeŭropy voźmie zbornaja Niamieččyny, jak haspadynia spabornictvaŭ.
U subotu zbornaja Biełarusi ŭ Vienhryi zhulaje z Andoraj (20:00 pa Minsku).
Stanovišča ŭ našaj hrupie paśla 8 turaŭ: Šviejcaryja — 16, Rumynija — 16, Izrail — 12, Kosava — 10, Biełaruś — 6 (1 pieramoha, 3 ničyi, čatyry parazy), Andora — 2.
Biełarusy ŭžo stracili navat tearetyčnyja šancy na 2-je miesca, jakoje vyvodzić na čempijanat Jeŭropy.
Apošni svoj matč naša kamanda zhulaje ŭ aŭtorak u haściach suprać Kosava, adzinaj zbornaj, u jakoj jany vyjhrali ŭ pieršym kruzie.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje6
Kamientary