Hramadstva33

Łukašenka zajaviŭ, što ŭpeŭnieny ŭ adnaŭleńni adnosin ź Litvoj i Polščaj

Apošnija tydni Alaksandr Łukašenka krychu skarektavaŭ svaju rytoryku ŭ adnosinach da krain Zachadu.

Fota: president.gov.by

Adnosiny Biełarusi z susiednimi Litvoj i Polščaj niesumnienna buduć adnoŭlenyja ŭ budučyni. Pra heta Alaksandr Łukašenka zajaviŭ na sustrečy z pracoŭnym kalektyvam BiełAES, piša BiełTA.

«Asnoŭny pryncyp — susiedzi nie mohuć žyć drenna, jany ad boha, ich nie vybirajuć. Byvaje roznahałośsie, svarki, heta minučaje», — skazaŭ jon.

Paviedamlajecca, što Łukašenka vykazaŭ upeŭnienaść, što pryjduć časy, kali adnosiny buduć adnoŭleny.

Apošnija tydni Alaksandr Łukašenka krychu skarektavaŭ svaju rytoryku ŭ adnosinach da krain Zachadu. U minułuju piatnicu jon pachvaliŭ palakaŭ za toje, što jany prahałasavali za apazicyju na vybarach, pavinšavaŭ narody Aŭstryi i Čechii, zajaviŭšy: «niaprostyja časy projduć, i my z patrojenaj siłaj adnovim uzajemadziejańnie». Padčas vizitu ŭ Minsk kiraŭnika MZS Vienhryi Pietera Sijarta jon nazvaŭ siabie «zaŭziatym prychilnikam zachavańnia ES».

Razam z tym siońnia Śledčy kamitet zajaviŭ, što ŭ dačynieńni da słužbovych asob Łatvii zaviedzienyja kryminalnyja spravy za śmierć na miažy mihrantaŭ.

«Najmity ŭ formie na łatvijskaj miažy vyznačylisia svajoj asablivaj žorstkaściu i aźviareńniem u adnosinach da mihrantaŭ, jakija sprabujuć trapić u krainy Jeŭrasajuza praz Prybałtyku. U parušeńnie patrabavańniaŭ mižnarodnych dahavoraŭ (…) paśladoŭniki jeŭrafašyzmu na sistemnaj asnovie ažyćciaŭlajuć niezakonnuju departacyju, akty žorstkaści i hvałtu, uzbrojenaje vyciaśnieńnie, katavańni i ździeki ŭ dačynieńni da inšaziemcaŭ. Niekatoryja achviary pamirajuć u sprobach pierasiačy miažu, a ich cieły vykidvajuć za płot karnyja bataljony Jeŭrasajuza», — zajaviŭ SK.

Adnačasova ŭ dziaržaŭnych ŚMI Biełarusi i ŭ kanałach, źviazanych ź siłavymi strukturami, praciahvajecca raspalvańnie varožaści da Ukrainy, Polščy, Litvy, Łatvii i krain Zachadu ŭ cełym. Ažyćciaŭlajucca i dziejańni, nakiravanyja na škodu krainam Zachadu i ich intaresam, u pryvatnaści, iduć pravakacyi na miažy z udziełam nielehalnych mihrantaŭ.

Kamientary3

  • Vasia
    03.11.2023
    Prošłoje nie vorotitsia,
    I nie pomožiet śleza,
    Pociełovať mnie chočietsia
    tioŝi tvojej hłaza.
  • EMIL
    03.11.2023
    Kohda ludojeda nie staniet, srazu vsie otnošienija i vosstanoviatsia!
  • Piša
    03.11.2023
    [Red. vydalena]

Ciapier čytajuć

Polšča pryznała Alaksandra Mašenskaha niepažadanaj asobaj27

Polšča pryznała Alaksandra Mašenskaha niepažadanaj asobaj

Usie naviny →
Usie naviny

Maštabny zboj u troch biełaruskich bankach: z rachunkaŭ źnikajuć hrošy9

Pad Minskam mašyna źbiła łasia — zahinuli dva čałavieki, paciarpieŭ viadomy komik2

U Rasii chłopiec na «Leksusie» efiektna vylataŭ na nabiarežnuju dziela pryhožaha videa. Zahinuŭ sam i dźvie siabroŭki15

«Vitajem na radzimie». Biełarus raspavioŭ pra zatrymańnie na miažy za łajk i sapsavany adpačynak10

U Italii znajšli cieła 18-hadovaj ukrainskaj studentki. U dzień śmierci joj admovili ŭ praciahu stažyroŭki

Načalnik suviazi 8-j armii zahinuŭ u vyniku ŭdaru ŭkrainskimi rakietami

Tolki adzin vypusknik zdavaŭ centralizavany ekzamien pa hetym pradmiecie3

Natalla Piatkievič praciahvaje vyhulvać amierykanski harderob16

Kinołah raskazała pra prosty test na vychavanaść sabaki1

bolš čytanych navin
bolš łajkanych navin

Polšča pryznała Alaksandra Mašenskaha niepažadanaj asobaj27

Polšča pryznała Alaksandra Mašenskaha niepažadanaj asobaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić