Noč pravioŭ na łaŭcy la kramy. Adysieja dzieviacihadovaha chłopčyka z Žodzina, jakoha šukali amal sutki
Dzieviacihadovy Alaksiej Palaščuk prapaŭ u 19:00 u paniadziełak. Jon nie viarnuŭsia sa škoły dachaty. Jaho bačyli ŭ Minsku, a znajšli ŭžo ŭ aŭtorak u Barysavie. Mama chłopčyka Volha raspaviała mlyn.by, dzie ŭvieś hety čas badziaŭsia jaje syn i što ź im adbyłosia.
— Loša nam raspavioŭ, što zachacieŭ pakatacca na elektryčcy, — dzielicca padrabiaznaściami «padarožža» syna Volha. — Jon dumaŭ, što siadzie na elektryčku, jakaja pa kruzie pryviazie jaho nazad u Žodzina. Ale elektryčka pryjechała na kančatkovuju stancyju ŭ Minsk i spyniłasia.
Batareja ŭ telefonie ŭ jaho razradziłasia. Jon spałochaŭsia i padumaŭ, što dajedzie dadomu na aŭtobusie. A aŭtobus jaho pryvioz u Zialony Łuh. Jon vyjšaŭ, byŭ pačatak pieršaj nočy. Noč pravioŭ na łaŭcy kala kramy «Susiedzi».
Ranicaj a 5.30 ranicy pryjšoŭ u kramu pahrecca. Skazaŭ supracoŭnikam kramy, što jamu na treniroŭku rana. U kramie jamu dali bananaŭ, kaktejl. Potym jon u ludziej spytaŭ, jak dajechać da čyhunačnaha vakzała.
Dabraŭsia, sieŭ na elektryčku da Barysava. Tam paznajomiŭsia z baskietbolnaj kamandaj. Ale elektryčka nie spyniałasia na «Žodzina-Paŭdniovaje», tolki na stancyi «Žodzina». Jak pryznałasia dzicia, nie viedaŭ, jak adtul jechać dadomu. I vyrašyŭ pajechać z hetymi spartoŭcami da Barysava na ich vystup. Skazaŭ, što vyrašyŭ ź imi jechać nazad i ŭžo vyjści na «Žodzina-Paŭdniovym».
Užo na spabornictvach u spartyŭnaj škole chłopčyka pa fota paznaŭ rabotnik hetaj ustanovy (infarmacyja ab źniknieńni Lošy chutka raspaŭsiudziłasia pa sietcy). Mužčyna padyšoŭ da jaho i pakazaŭ fatahrafiju. Loša paćvierdziŭ, što na fatahrafii jon. Tady mužčyna źviazaŭsia ź milicyjaj — razam jany dačakalisia pryjezdu supracoŭnikaŭ.
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj1
Kamientary