Pieršaja rakietka śvietu biełaruska Aryna Sabalenka i jašče 20 tenisistak napisali skarhu ŭ Žanočuju tenisnuju asacyjacyju (WTA) z patrabavańniem pavialičyć im zarobak i palepšyć umovy spabornictvaŭ.
Pavodle infarmacyi vydańnia The Athletic, list padpisali ŭ tym liku čempijonki Uimbłdana apošnich dvuch hadoŭ Alena Rybakina z Kazachstana i Markieta Vondraŭšava z Čechii, a taksama trochrazovaja finalistka turniraŭ «Vialikaha šlema» Ons Žabier z Tunisa.
Tenisistki nakiravali ŭ arhanizacyju trochstaronkavy dakumient 5 kastryčnika.
Pavodle infarmacyi vydańnia, spartsmienki zapatrabavali harantavanaj apłaty pracy ŭ pamiery 500 000 dalaraŭ dla tenisistak z top-100, 200 000 — dla hulcoŭ z rejtynhami 101-175 i 100 000 — dla rejtynhaŭ 175-250.
Taksama tenisistki paprasili roŭnych pryzavych z mužčynami, kampiensacyj u vypadku dekretnaha adpačynku abo traŭmaŭ, dapamoh i lhot pa dohladu za dziećmi, bolš hnutkaha raskładu turniraŭ.
Spartsmienki, jak śćviardžajecca, paprasili dać im adkaz da 13 kastryčnika, adnak nie atrymali jaho. Zamiest hetaha kiraŭnik WTA Styŭ Sajman pravioŭ sustrečy z hulcami 16 i 26 kastryčnika, na jakich tenisistki nie atrymali źmiastoŭnych adkazaŭ na vyłučanyja patrabavańni.
Raniej Aryna Sabalenka zajaŭlała, što vielmi rasčaravanaja ŭzroŭniem arhanizacyi vynikovaha turniru WTA ŭ mieksikanskim Kankunie. Jana adznačyła, što adčuvaje niepavahu z boku asacyjacyi.
U červieni WTA abviaściła ab pahadnieńni, jakoje budzie harantavać roŭnuju apłatu pracy dla mužčyn i žančyn, ale nie raniej za 2027 hod dla najbujniejšych turniraŭ i za 2033 hod dla bolš drobnych. Niekalki viadučych tenisistak zajavili, što nie razumiejuć, čamu im davodzicca čakać tak doŭha.
Ciapier čytajuć
Płača, ale jedzie ŭ Kieniju ŭśled za mužam: łukašenkaŭski puł zastaŭsia biez addanaj supracoŭnicy1
Płača, ale jedzie ŭ Kieniju ŭśled za mužam: łukašenkaŭski puł zastaŭsia biez addanaj supracoŭnicy
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary