Ź Biełaviežskaj puščy vyjšli amal usie zubry. Kudy i navošta?
Amal usie statki zubroŭ ciaham kastryčnika vyjšli ź Biełaviežskaj puščy na adkrytyja ŭhodździ. Pra heta paviedamiŭ navukovy adździeł Nacyjanalnaha parku.
Jak rastłumačyli navukoŭcy, miescy dysłakacyi zubroŭ u Biełaviežskaj puščy źmianiajucca pa siezonach.
«Z nadychodam vosieńskich chaładoŭ lasnyja ŭčastki, dzie žyvuć hetyja žyvioły, pastupova źmianiajucca na pašavyja i inšyja dastupnyja terytoryi. Abumoŭlena heta tym, što ŭ zimovy čas hoda ŭ lesie dla takich bujnych žyvioł niedastatkova naturalnych karmoŭ, i jany vymušanyja šukać jaho na palach i sienažaciach», — raskazali ŭ Nacparku.
Zubry buduć znachodzicca za miežami lasnych masivaŭ usiu zimu i rańniuju viasnu. U tym liku jany buduć «padjadać» reštki cukrovych burakoŭ, kukuruznyja katachi i navat pasievy azimych. Tolki ŭ mai, sa źjaŭleńniem u lesie travianistaha kormu, žyvioły viernucca ŭ svaje tradycyjnyja miescy pražyvańnia.
Jak adznačyli ŭ Nacparku, takaja zakanamiernaść u žyćci biełaviežskich zubroŭ adznačajecca z hodu ŭ hod. Pry hetym kala 20% usich biełaviežskich zubroŭ zastajecca zimavać u lasach na miescach ich zimovaj padkormki.
Na pačatak hetaha hoda ŭ Nacyjanalnym parku «Biełaviežskaja pušča» naličvałasia 730 zubroŭ (na 27 bolš, čym letaś).
Ciapier čytajuć
Minsk u sieradu viečaram pahruziŭsia ŭ ciemru. Paśla zahadu Łukašenki51
Minsk u sieradu viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary