Na biełaruskija kancerty źbiehłych z Ukrainy komikaŭ nie pradalisia bilety
Rasijskaja kamanda KVZ «Ujezdnyj horod», u jakoj vystupajuć komiki Siarhiej Pisarenka i Jaŭhien Nikišyn, źbirałasia ŭ listapadzie pravieści tur pa šaści haradach Biełarusi, ale, jak śćviardžaje arhanizatar, nie pradalisia bilety. Hetyja komiki zaśpieli vajnu va Ukrainie, spačatku asudzili jaje, a paśla pajechali vystupać dla rasijan na kruiznych łajnierach.
Arhanizatar turu — Bresckaja fiłarmonija — vymušanaja pieranieści kancerty ź listapada na sakavik.
Bilety nie pradalisia ŭ bolšaści zapłanavanych dla turu haradoŭ, siarod ich Brest, Mahiloŭ, Połack.
Pad pytańniem zastajecca vystupleńnie rasijskich komikaŭ u Minsku. Jano maje adbycca 1 listapada. U kancertnaj zale «Minsk» kažuć, što arhanizatar pakul nie pryniaŭ kančatkovaha rašeńnia, ci varta vieźci artystaŭ u stalicu.
U Bresckaj fiłarmonii adnamu z čytačoŭ adkazali, što z «artystami ŭžo damovilisia ab pieranosie turu na sakavik».
«Tur vialiki i pozna zapuściŭsia, tamu bilety pradalisia kiepska…» — pryznajucca surazmoŭcy.
Arhanizatary zapeŭnivajuć, što bilety možna zdać ci skarystać u sakaviku.
«Ujezdnyj horod» — adna z samych viadomych rasijskich kamandaŭ vyšejšaj lihi KVZ. U 2003 hodzie jana była jaje čempijonam.
U 2015-m komiki pierabrałasia va Ukrainu. Artysty Siarhiej Pisarenka i Jaŭhien Nikišyn byli na baku Ukrainy paśla anieksii Rasijaj Kryma i raźviazvańnia vajny na Danbasie, ale heta im nie pieraškadžała vystupać na radzimie. Svaje kancerty jany davali i va Ukrainie.
Pisarenka i Nikišyn stali zaprošanymi artystami humarystyčnaj kancertnaj prahramy «Dyziel-šou». Z 2019-ha jany vystupali tam na pastajannaj asnovie.
Kali pačałasia poŭnamaštabnaja vajna, artysty, pakolki byli va Ukrainie, zapisvali videa ab tym, što adbyvajecca. Paźniej Pisarenka ź siamjoj pierajechaŭ u Estoniju, a adtul — u Rasiju. Jaho kaleha Nikišyn viarnuŭsia ŭ Maskvu.
Z «Dyziel-šou» ich vyklučyli, kali jany vosieńniu 2022 hoda praviali na kruiznym łajniery kancerty dla rasijan. Pra antyvajennuju pazicyju komikaŭ u Rasii nie zabylisia. Pisarenku vyrazali, naprykład, z zabaŭlalnaj prahramy na centralnym telekanale.
«Naša Niva» — bastyjon biełaruščyny
PADTRYMAĆHladzicie taksama:
Komik Tankovič — pra Mukavozčyka, Hałyhina i pracu ŭ NEXTA
U jutubie źjaviłasia sakavitaje šou pra biełaruskuju movu
Pamior Siarhiej Sivocha — adzin z samych paznavalnych KVZ-šnikaŭ
-
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
-
Biełarus, jaki 13 hadoŭ pracavaŭ advakatam u Minsku, zdaŭ ekzamien u polskuju advakaturu
-
Biełarusy za try dni sabrali nieabchodnyja hrošy na pachavańnie Jana Pamiedora Reuckaha
Ciapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje10
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary