Staŭki pa kredytach u Biełarusi vyraśli ŭpieršyniu z pačatku hoda
U vieraśni ŭpieršyniu za šmat miesiacaŭ padaraželi niekatoryja vidy kredytaŭ. Pakul rost stavak niaznačny i zakranuŭ tolki jurydyčnych asob, ale da hetaha košt kredytnych resursaŭ u krainie stabilna źnižaŭsia, zaŭvažaje Office Life.
Tak, siarednija pracentnyja staŭki pa novych kredytach dla biznesu biez uliku mižbankaŭskaha kredytavańnia za vierasień vyraśli z 7,76 da 7,87%, a pa ŭsim kredytnym partfieli jurydyčnych asob — z 8,46 da 8,47%.
Kali ŭziać statystyku, «vyčyščanuju» ad ilhotnych zapazyčańniaŭ, to za miesiac staŭki pa novych kredytach dla jurydyčnych asob pavialičylisia z 7,94 da 8,07%, a pa ahulnym kredytnym partfieli ŭ karparatyŭnym siehmiencie nie źmianilisia (9, 63%).
Cikava, što dla fizičnych asob kredyty praciahvali tańnieć. Tak, pavodle novych zapazyčańniaŭ hramadzian (za vyklučeńniem ilhotnych), staŭki źnizilisia z 10,25 da 10,07%.
Da hetaha amal hod staŭki pa kredytach dla biznesu ŭ Biełarusi źnižalisia ŭdvaja chutčej, čym dla hramadzian. U 2023 hodzie bolš za pałovu novych kredytaŭ u krainie prypadała na pryvatny biznes.
Kamientary