Infarmacyja ab pavieličeńni transpartnaha padatku z novaha hoda vyklikała haračuju dyskusiju ŭ internecie. Ludzi abmiarkoŭvajuć pryčyny pavyšeńnia i vyłučajuć zabaŭnyja teoryi.
Najbolšuju kolkaść łajkaŭ (zvyš 430) atrymała zaŭvaha:
«Kupiŭ na svaje zaroblenyja hrošy, kamu što pavinien!? Padachodny płaču, darožny płaču».
Na što kamientataru adkazvajuć:
«Pakul žyvieš, usim vinien».
«Heta nie padatak na aŭto, heta padatak prosta tak», — vykazvaje mierkavańnie adzin z kamientataraŭ. I ź im pahadžajucca bolš za 160 inšych hledačoŭ.
Jašče adzin kamientatar źviartaje ŭvahu na vialikuju kolkaść padatkaŭ:
«A ŭ našaj krainie my choć za niešta nie płacim? Pavietra i toje apłačvajem. U praduktach padatak zakładzieny, u rečach, tavarach bytavoj chimii, vučobie, miedycynie, padatki na ziamlu i vałodańnie. Usio apłačvajem u biudžet, z nas zdymajuć u z.p. padatak. Što my jašče pavinny?????»
Na jakija mety padatak?
Niechta cikavicca, na jakija mety pojdzie padatak. Na što jamu z humaram adkazvajuć: «Na dvarec dla Koleńki».
«Ničoha novaha prydumać nie mohuć. Tolki padatkami abkładać», — narakaje jašče adzin kamientatar.
«Chutka za pavietra budzie narod płacić», — dadaje inšy.
Navošta padymajuć?
Dla kamientataraŭ niezrazumieła, ź jakoj pryčyny padymajecca padatak.
«Ź jakoha pierapudu jany padymajuć?»
«Choć by chto-niebudź patłumačyŭ sumlenna i łahična, z-za čaho pavyšeńnie, što źmianiłasia, kab padymać padatki?!»
«Dažylisia, a ź jakoha pierapudu pavialičvajuć? Što źmianiłasia, dachody narodu vyraśli?»
Za što jašče možna ŭziać padatak?
Kamientatary prapanujuć, jakija jašče možna ŭvieści padatki. Najbolšuju kolkaść uchvaleńniaŭ nabrała prapanova:
«Padatak na kresła ministra ja b uvioŭ».
Inšyja prapanujuć:
«Ja b jašče telefonny padatak uvioŭ».
«Čakajem biastranspartny padatak. A to čaho heta piešachody ničoha nie płaciać?»
Kamientatary taksama źviartajuć uvahu, što padatak pakul nie datyčyć uładalnikaŭ elektramabilaŭ:
«Dziakuj bohu, što ŭ mianie elektryčka… Padatki abyšli bokam) I heta raduje) A ŭ kaho hetak ža!?»
Ale jaho rasčaroŭvajuć tym, što z 2026 hoda hetaja katehoryja aŭto taksama padpadzie pad padatkaabkładańnie.
Ludzi cikaviacca taksama, kali palepšaje jakaść daroh.
«Viełasipied ciapier nie zdajecca drennaj idejaj», — zaŭvažaje inšy karystalnik.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary