U noč z paniadziełka na aŭtorak u Litvu zalacieli 8 mieteazondaŭ i adzin dron ź Biełarusi
U noč z paniadziełka na aŭtorak i ranicaj aŭtorka litoŭskija pamiežniki pierachapili vosiem pavietranych šaroŭ, jakija ź Biełarusi pieranosili kantrabandnyja cyharety. Pavodle papiarednich danych, u ich było bolš za 13 tysiač pačkaŭ. Akramia taho, hetaj ža nočču pamiežniki źbili bieśpiłotnik, jaki taksama zalacieŭ ź Biełarusi i, jak miarkujecca, vykarystoŭvaŭsia kantrabandystami, paviedamlaje litoŭskaja Słužba achovy dziaržaŭnaj miažy.
Paviedamlajecca, što bolšaść šaroŭ z kantrabandaj byli zaŭčasna vyjaŭlenyja dziakujučy apieratyŭnaj infarmacyi pamiežnaj słužby, a adzin hruz zaŭvažyła palicyja. Dva vypadki adbylisia ŭ Salečnickim rajonie, astatnija — u Aranskim. Da ŭsich šaroŭ byli prymacavanyja GPS-pieradatčyki, kab kantrabandysty mahli adsočvać ich šlach.
U Salečnickim rajonie taksama byŭ zatrymany samarobny dron, jakim kantrabandysty sprabavali pieravieźci cyharety. Pamiežniki vykarystali śpiecyjalnaje antydronavaje abstalavańnie i prymusili aparat pryziamlicca.
Pa źviestkach litoŭskich dziaržaŭnych orhanaŭ, sioleta ŭžo pierachoplenyja 564 pavietranyja šary z kantrabandaj ź Biełarusi. Zvyčajna adzin šar pieranosić kala troch karobak biełaruskich cyharet — prykładna 1,5 tysiačy pačkaŭ. Dla paraŭnańnia: letaś takich vypadkaŭ było 226, a ŭ 2022 hodzie — nivodnaha.
Akramia šaroŭ, sioleta pamiežniki źbili 52 drony z kantrabandaj (letaś — 54). Ahulnaja kolkaść zatrymanych cyharet, pierapraŭlenych pavietram, užo pieravysiła 1,3 miljona pačkaŭ, a razam ź inšymi vypadkami — kala 4 miljonaŭ pačkaŭ za hod.
Taksama sioleta byli zatrymanyja 103 čałavieki, jakich padazrajuć u ŭdziele ŭ pavietranaj kantrabandzie. U sudy pieradadziena 18 spraŭ, ź jakich 12 užo razhledžana: 18 čałaviek pryznanyja vinavatymi, piaciora atrymali turemnyja terminy (da 2 hadoŭ i 6 miesiacaŭ), astatnim pryznačanyja štrafy ad 1300 da amal 20 tysiač jeŭra.
Łukašenka daručyŭ Ryžankovu pačać pieramovy ź litoŭcami
1100 litoŭskich hruzavikoŭ nie vypuściać ź Biełarusi da adkryćcia miažy
U litoŭskim Alitusie mieteazond z kantrabandaj pryziamliŭsia na terytoryju pryvatnaha ŭčastka
Pavietrany šar kantrabandystaŭ učora zalacieŭ u asabliva niebiaśpiečnuju zonu Vilenskaha aeraporta
Premjer Litvy pryjechała na biełaruskuju miažu
Kamientary
Udačno, v lentie novostiej, po ćvietu, b́jutsia avośki-čiechły s siharietami s vierchniej novosťju ob dorohoj avośkie-čiechle ot Apple 🍎.
Vsio v odinakovych ćvietach i tonach, nie rovien čas i Apple zapodozriš v kontrabasie sihariet na vozdušnych šarach🤓....