Pucioŭki na čempijanat Jeŭropy pa futbole za try tury da finišu zavajavali zbornyja Partuhalii, Bielhii i Francyi.
Partuhalcy siońnia pieramahli ŭ Portu Słavakiju ź likam 3:2 (dubl u Kryšcijanu Ranałdu, hoł u Hansału Ramuša) i stali niedasiahalnyja dla supiernikaŭ.
Paśla 7 turaŭ: Partuhalija — 21, Słavakija — 13, Luksiemburh — 11, Bośnija — 9, Isłandyja — 7, Lichtenštejn — 0.
U partuhalcaŭ siem pieramoh u siami matčach, 27 zabitych miačoŭ.
Kryšcijanu Ranałdu staŭ šostym futbalistam u historyi, jaki zabiŭ bolš za 100 hałoŭ za zbornuju ŭ troch roznych dziesiacihodździach. Debiutavaŭ za Partuhaliju jon u žniŭni 2003 hoda va ŭzroście 18 hadoŭ.
Bielhijcy vyjhrali ŭ haściach u Aŭstryi 3:2 (dubl u Łukiebakia, hoł u Łukaku) i taksama stali niedasiahalnyja dla supiernikaŭ.
Paśla 6 turaŭ: Bielhija — 16, Aŭstryja — 13, Šviecyja — 6 (5 hulniaŭ), Azierbajdžan — 4, Estonija — 1.
Francyja ŭ haściach pieramahła Niderłandy 2:1 (dubl u Mbape) i taksama zavajavała pucioŭku na ČIE.
Paśla 6 turaŭ: Francyja — 18, Hrecyja — 12, Niderłandy — 9 (5 hulniaŭ), Irłandyja — 3, Hibrałtar — 0. Niderłandy nie dahoniać francuzaŭ, bo dvojčy im prajhrali.
Francuzy taksama majuć 100-pracentny vynik: šeść pieramoh u šaści matčach.
***
Čempijanat Jeŭropy pa futbole projdzie letam nastupnaha hoda ŭ Niamieččynie.
Zbornaja Biełarusi svoj matč suprać Šviejcaryi zhulaje ŭ niadzielu. U biełarusaŭ u siami matčach piać bałaŭ (adna pieramoha, dźvie ničyje i čatyry parazy) i pieradapošniaje miesca ŭ hrupie.
Ciapier čytajuć
Hałoŭnaja redaktarka homielskaj rajonki pakajałasia za toje, što abvinavaciła hurt «Drazdy»6
Kamientary