CHAMAS pryhraziŭ zabivać pa adnym zakładniku ŭ adkaz na kožny napad Izraila na hramadzianskija budynki
Pradstaŭnik CHAMAS zajaviŭ, što bajeviki pačnuć zabivać zakładnikaŭ, kali Izrail budzie vieści bambardziroŭki hramadzianskich damoŭ biez papiaredžańnia, piša BBC.
«Luby ŭdar biez papiaredžańnia pa niavinnych mirnych žycharach budzie sustrety pakarańniem śmierciu adnaho z zakładnikaŭ, jakija znachodziacca ŭ našym pałonie, i my budziem vymušanyja tranślavać hetyja pakarańnia», — cytuje Al Jazeera pradstaŭnika bajavoha kryła CHAMAS Abu Abiejda.
Partał Times of Israel sa spasyłkaj na niekalki krynic piša, što izrailskija vajskoŭcy pamianiali taktyku naniasieńnia ŭdaraŭ pa siektary Haza. U pryvatnaści, Izrail bolš nie skidaje mulažy bombaŭ na budynki, pierad tym jak atakavać ich (raniej takim čynam mirnych žycharoŭ papiaredžvali ab nieabchodnaści biehčy), bo nasielnictvu Hazy ŭžo paviedamili pra nieabchodnaść evakujavacca z «centralnych rajonaŭ, zaniatych terarystami».
Jak piša Times of Israel, Izrail hatovy nanosić udary pa Hazie, navat kali heta naškodzić zakładnikam. Krynica paviedamiła vydańniu, što kali ŭ armii buduć raźvieddanyja ab dakładnym miescy, dzie znachodziacca zakładniki, nanosić udary pa hetym budynku nie buduć. Kali takoj infarmacyi niama, usie abjekty, źviazanyja z CHAMAS buduć atakavanyja.
Raniej bajeviki zajavili, što ŭtrymlivajuć u zakładnikach bolš za 100 čałaviek.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary