Hramadstva99

Biełaruskija i rasijskija deputaty zadumalisia, jak viartać ludziej na radzimu

Siarod prapanoŭ — elektronnaja karta «rasijskaha suajčyńnika» i lhoty pry pierajeździe ź Jeŭropy.

Parłamientaryi Rasii i Biełarusi padrychtavali słuchańni ab mierach pa abaronie svaich suajčyńnikaŭ za miažoj. Jak piša rasijskaja «Niezaležnaja hazieta», havorka idzie, naprykład, ab raźvićci instytuta padvojnaha hramadzianstva na postsavieckaj prastory. Prapanujuć vydavać «elektronnuju kartu dla suviazi z histaryčnaj radzimaj» (nie zrazumieła, razmova tut tolki pra rasijan ci biełarusaŭ taksama). Pradstaŭnikam rasijskaj i biełaruskaj dyjaspary, žadajučym viarnucca, abiacajuć pry pierajeździe dadatkovyja lhoty. 

Tłumačycca, što častka ludziej zachoča viarnucca, bo praz vajnu Rasii va Ukrainie skłałałasia situacyja «biesprecedentnaj rusafobii», «mnohija suajčyńniki sutyknulisia z narastajučym ciskam z boku miascovych uładnych struktur i ŚMI». Tamu aktualizavałasia pytańnie ab zychodzie nie tolki z Ukrainy, ale i z prybałtyjskich i inšych dziaržaŭ.

Siarod asnoŭnych napramkaŭ raboty deputaty bačać vybudoŭvańnie stanoŭčaha vobrazu RF i Biełarusi. I pastajannaje aśviatleńnie žyćcia i prablem rasijskich i biełaruskich suajčyńnikaŭ za miažoj i paśla viartańnia dadomu.

«I Rasija, i Biełaruś zhodnyja z uzmacnieńniem mier pa zachavańni ruskaj movy jak movy mižnacyjanalnych znosin za miažoj. Dla hetaha varta damahacca pašyreńnia maštabaŭ vykładańnia ŭ navučalnych ustanovach zamiežnych dziaržaŭ, a taksama padtrymlivać jaje vykarystańnie ŭ drukavanych i elektronnych ŚMI», — pryvodzić vydańnie vysnovy deputataŭ.

Prapanujecca i takaja miera, jak spraščeńnie i paskareńnie pracedur, źviazanych z atrymańniem rasijskaha hramadzianstva razam z najaŭnym dla tych, chto pakul nie płanuje pierajezd, ale imkniecca ŭmacavać suviazi z radzimaj. Nie jasna, ci toje ž samaje źbirajucca prapanavać i ź biełaruskim hramadzianstvam abo biełarusaŭ prypisvajuć da «rasijskich suajčyńnikaŭ».

«U častcy RF u prajekcie rekamiendacyj skazana, što «dadzienyja prahramy pavinny praduhledžvać sproščanuju praceduru atrymańnia hramadzianstva, a taksama realizacyju sistemy mier pa finansavańni pierajezdu da miesca pastajannaha pražyvańnia, atrymańnie dapamoh na pieryjad ŭładkavańnia ŭsim členam siemjaŭ, vypłatu piensij pa ŭzroście, a taksama lhotnaje kredytavańnie nabyćcia žylla». Razmova pojdzie i ab mahčymaści ŭvieści śpiecyjalnuju elektronnuju kartu «rasijskaha suajčyńnika», jakaja daść im nie tolki aficyjny status abo roznaha rodu «bonusy», ale i, naprykład, dostup da partała «Dziaržpasłuhi», — piša vydańnie.

Takija miery, miarkujuć deputaty, dapamohuć krainam palepšyć demahrafičnuju situacyju.

Kamientary9

  • Bhagawan
    09.10.2023
    Kupa gaŭna, a na viersie višanka...
  • Biełaruś
    09.10.2023
    A dzie jany pabačyli biełaruskich deputataŭ? Ci Kreml ŭžo svaich kałabarantaŭ usich u deputaty aŭtamatam (u pramym i pieranosnym sensie) zapisvaje?
  • Whisk
    09.10.2023
    Budzie vielmi cikava daviedacca kolki ruzkie pažadajuć pakinuć Niamiečynu, ZŠA, Łatviju ci Estoniju dzie ich "pryciaśniajuć". Nakolki viadoma dakumient Łatvii "nie hramadzin" daje karystalniku biaźviz ŭ krainy Jeŭraźviazu, bolš pravoŭ i svabod čym papiera Maskovii z dvuchhałovym arłom. Bolš taho ŭsich chto vierniecca na Maskoviju čakaje kamandyroŭka pad Bachmut. Voś tut darečy ruzkie jakija žyvuć u Jeŭropie nie śpiašajucca zdochnuć za putyna i ruki mir jaki jany śluniava adstojvajuć žyvučy ŭ Jeŭropie. Tak sama nie śpiašacca jany viartacca da kanury i halečy na Maskovii, bo chadzić pa kramam Jeŭropy i "sumavać" pa halečy na Maskovii kudy lepš.

Ciapier čytajuć

Čym zajmalisia supracoŭniki Akreścina da taho, jak uznačalić miesca katavańniaŭ biełarusaŭ?6

Čym zajmalisia supracoŭniki Akreścina da taho, jak uznačalić miesca katavańniaŭ biełarusaŭ?

Usie naviny →
Usie naviny

Zdaču hetaj elitki ŭ centry Minska zatrymali na niekalki hadoŭ. A zaraz tut pradajecca šmat kvater3

Zialenski padpisaŭ zakon, u jakim zamacavana vyznačeńnie «rašyzmu»6

Prapahandyst Račyłoŭski bolš nie vykładaje ŭ minskaj himnazii. Kudy jon prytknuŭsia ciapier?24

Jarmak u ZŠA: Pasadzicie Rasiju za stoł pieramovaŭ — i Ukraina pieramoža

U Dziatłaŭskim rajonie dzieviacikłaśnica vyratavała z vady dzieviacihadovuju dziaŭčynku

Pasolstva Biełarusi ŭ Varšavie stała prymać dakumienty tolki pa zapisie. Čakańnie — kala 10 miesiacaŭ3

Jak u akupavanym Daniecku vyžyvajuć biez vady?12

Biełarus 1200 dzion čakaŭ DNŽ u Polščy. Ciapier jon płanuje pierajechać u inšaje vajavodstva

Apielacyjny sud ZŠA pryznaŭ bolšaść taryfaŭ, uviedzienych administracyjaj Trampa, niezakonnymi3

bolš čytanych navin
bolš łajkanych navin

Čym zajmalisia supracoŭniki Akreścina da taho, jak uznačalić miesca katavańniaŭ biełarusaŭ?6

Čym zajmalisia supracoŭniki Akreścina da taho, jak uznačalić miesca katavańniaŭ biełarusaŭ?

Hałoŭnaje
Usie naviny →

Zaŭvaha:

 

 

 

 

Zakryć Paviedamić