Biełaruskuju vycinanku i niehlubskuju tekstylnuju tradycyju prapanavali ŭklučyć u śpis JUNIESKA
Dva biełaruskija tradycyjnyja ramiostvy prapanavali ŭklučyć u śpis JUNIESKA. Pra heta paviedamiŭ žurnalistam kansultant upraŭleńnia pa achovie historyka-kulturnaj spadčyny Ministerstva kultury Hienadź Chodar, pieradaje BiełTA.
«Sioleta my ŭnieśli ŭ JUNIESKA jašče dźvie naminacyi —«Biełaruskaja niehlubskaja tekstylnaja tradycyja ŭ Homielskaj vobłaści» i «Biełaruskaje mastactva vycinanki», — skazaŭ jon.
Biełaruskaja niehlubskaja tekstylnaja tradycyja zachoŭvajecca ŭ ahraharadku Niehlubka (Vietkaŭski rajon Homielskaj vobłaści). Jana ŭklučana ŭ Dziaržaŭny śpis historyka-kulturnaj spadčyny Biełarusi. A mastactvam vycinanki, to-bok vyrazańnia z papiery, pavodle źviestak Minkulta, vałodajuć ciapier kala 300 čałaviek u 48 rehijonach Biełarusi, ź jakich 11 nosiać zvańnie «narodnaha majstra».
Akramia taho, u Ministerstva kultury jość płany prapanavać u nastupnym hodzie dla ŭklučeńnia ŭ śpis JUNIESKA kulturu biełaruskaj dudy:
«Duda ŭ nas pradstaŭlena nie tak šyroka, jak chaciełasia b, — kala 30 prafiesijanałaŭ i kala 100 amataraŭ. Adnak heta źjava siońnia isnuje na terytoryi čatyroch abłaściej — Viciebskaj, Bresckaj, Mahiloŭskaj, Minskaj, a taksama ŭ Minsku».
U śpis niemateryjalnaj kulturnaj spadčyny JUNIESKA ciapier uklučanyja piać biełaruskich elemientaŭ: sałomaplacieńnie, lasnoje bortnictva (kultura pčalarstva na prykładzie Lelčyckaha rajona Homielskaj vobraści), «Jurjeŭski karahod» u vioscy Pahost, Budsłaŭski fest, «Kaladnyja cary» ŭ vioscy Siemiežava.
Što pahladzieć. Muziej-skansen u vioscy Aziarco — sielskaja atmaśfiera kanca XIX stahodździa pad Minskam
Miod, bałoty i duby. Dzie i jak adpačyć na Paleśsi vosieńniu?
Łukašystaŭ zaniepakoiła źniščeńnie spadčyny. Ale jość niuans
U śpis Suśvietnaj spadčyny JUNIESKA ŭklučyli łatvijskuju Kułdyhu. Heta daje nadzieju biełaruskim haradam
Kamientary