Hramadstva33

U dvoryku «Vaładarki» zaŭvažyli nadpis «Nasta Łojka, trymajsia!»

Viarchoŭny sud 3 kastryčnika razhledzieŭ kasacyjnuju skarhu pravaabaroncy Nasty Łojka i pakinuŭ vyrak, jaki vynies joj Minski haradski sud, bieź źmienaŭ.

Nasta Łojka na sudzie. Skrynšot videa STB

Pra heta paviedamlaje pravaabarončaja arhanizacyja Human constanta, u jakoj pracavała da aryštu Nasta Łojka. Pravaabaroncu pakarali 7 hadami źniavoleńnia, nieŭzabavie jaje musiać adpravić dla adbyćcia pakarańnia, jak miarkujecca, u homielskuju žanočuju kałoniju.

Z kanca 2022 hodu Nastu Łojka trymajuć u minskim SIZA na vulicy Vaładarskaha. U apošnim liście svajakam, jaki pryjšoŭ dva tydni tamu, pravaabaronca paviedamiła, što jaje pieraviali z byłoj ciesnaj i brudnaj kamiery ŭ bolš prastornuju, čamu jana vielmi radavałasia. Taksama Nasta Łojka padzialiłasia ŭražańniami ad prahułak u turemnym dvoryku, piša «Radyjo Svaboda».

«Amal miesiac hulajem nie ŭ korpusie, a ŭ dvorykach. U niekatorych znachodžu nadpisy «Nasta Łojka, trymajsia!».

Siabry maładoj žančyny ličać, što sił i ciarpieńnia joj jašče spatrebicca šmat, kab pieraadoleć vyprabavańni na svaim šlachu. Siabry aryjentujucca na prybliznuju datu vyzvaleńnia, jakuju Nasta paznačyła ŭ tym ža liście — heta 19 lipienia 2029 hoda.

Adnak kalehi zaznačajuć, što Nasta zrabiła prypisku: «Ale nie vyklučaju praciahu pavodle 411 artykuła».

Nasta Łojka taksama dasłała śpis knih, jakija b raiła inšym pračytać. U śpisie tvory piaci aŭtaraŭ: Filipy Pery, Styviena Chokinha, Fiodara Dastajeŭskaha, Ramena Hary i Džeroma D. Selindžera. Asabliva zachaplajecca pravaabaronca Dastajeŭskim.

«Braty Karamazavy» — heta hienijalna! Aloša i jahony piedahahičny talent, Vialiki inkvizitar u Ivana i sud Micieńki — pa im varta pravodzić praktykumy na jurydyčnych fakultetach», — napisała Nasta Łojka ŭ apošnim liście na volu z «Vaładarki».

***

Nasta Łojka pracavała ŭ Human constanta. U 2022 hodzie pravaabaroncu niekalki razoŭ zatrymlivali «na sutki», ale pa zakančeńni apošniaha terminu nie vyzvalili, a pieraviali na «Vaładarku» i vystavili abvinavačańnie pavodle Kryminalnaha kodeksa.

Sud nad Nastaj Łojka adbyŭsia sioleta ŭ červieni, jon prachodziŭ za začynienymi dźviaryma. Maładuju žančynu pryznali vinavataj u raspalvańni sacyjalnaj varožaści (art. 130 KK).

Sudździa Alena Šylko prysudziła joj 7 hadoŭ kałonii. Nasta Łojka nie pryznała viny i vyrak abskardziła.

Pravaabaroncy pryznali Nastu Łojku palitźniavolenaj.

Kamientary3

  • mikola
    03.10.2023
    Nasta trymaisja ! Ni zrazumela jak tak- napisy ni zafarbavali  ? Tolki narod kalamucjac.
  • Saturn
    04.10.2023
    Stranno, čto nie vyleźli stradalcy, viezdie pišuŝije pro russkij mir: "da kak ona śmiejet voschiŝaťsia Dostojevskim!!! Eta ž russkij mir, idieołoh russkoho fašizma!!! Nasta nie jełaruska, a russkomirnaja konsierva!!;)))
    • jaka mota
      04.10.2023
      Saturn, o, nievierajatnyja. Da vybaraŭ hatovyja? Hetym razam vas točna zarehistrujuć!

Ciapier čytajuć

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Usie naviny →
Usie naviny

Što moža čakać tych, kaho buduć sudzić pa spravie «Biełaruskaha Hajuna»?

Łukašenka parekamiendavaŭ biełarusam nie nalahać na bulbu13

Izrailcianam prychodziać špijonskija paviedamleńni ad karespandentki ANT10

Usploski zakazaŭ picy kala Pientahona mahli śviedčyć pra budučuju ataku na Iran9

Dyrektarka dziciačaha centra, dzie razmaŭlajuć vyklučna na ruskaj, abvinavačvaje čynoŭnikaŭ i dziaržaŭnych žurnalistaŭ u chłuśni27

Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1

U vyniku ŭdaraŭ Izraila pa Iranie likvidavanyja dzieviać viadučych fizikaŭ-jadzierščykaŭ4

Rabavańni, zhvałtavańni i navat kradziež adzieńnia z truny: Minsk kryminalny pry Stalinie2

Zialenski: Łukašenka baicca i pieraniasie vučeńni dalej ad miažy z Ukrainaj16

bolš čytanych navin
bolš łajkanych navin

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Hałoŭnaje
Usie naviny →

Zaŭvaha:

 

 

 

 

Zakryć Paviedamić